> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# മറുതാപ്പുരയ്ക്കൽ ദേവീക്ഷേത്രത്തിൽ പന്തീരായിരം പുഷ്പാഞ്ജലി
- URL: https://www.vaikomvartha.com/mrrutaappurykk-deeviiksseetrtti-pntiiraayirn-pusspaanyjli/
- Published: 2026-03-14T05:33:06.000Z
- Updated: 2026-03-14T05:33:06.000Z
- Author:  Vaikom Vartha News Desk
- Tags: Latest News

വൈക്കം: ഏനാതി മറുതാപ്പുരയ്ക്കൽ ദേവീക്ഷേത്രത്തിൽ വെള്ളിയാഴ്ച രാവിലെ നടത്തിയ പന്തീരായിരം പുഷ്പാഞ്ജലിയും, നെയ്യ് വിളക്കും കുങ്കുമാഭിഷേകവും, കളമെഴുത്തും പാട്ടും ഭക്തി നിർഭരമായി. ക്ഷേത്രത്തിന്റെ കിഴക്കുവശത്ത് മണ്ഡപം ഒരുക്കിയാണ് ചടങ്ങ് നടത്തിയത്. ക്ഷേത്രം തന്ത്രി ഡോ. ഷാജി അരവിന്ദൻ, മേൽശാന്തി അനൂപ് ശാന്തി എന്നിവർ മുഖ്യ കാർമ്മികരായിരുന്നു. കുട്ടൻ ശാന്തി, അഭിജിത്ത് ശാന്തി, സുമേഷ് ശാന്തി, വിതുൽ ശാന്തി എന്നിവരും കാർമ്മികരായിരുന്നു. കലശപൂജയ്ക്കുശേഷം അർച്ചന, കുങ്കുമാഭിഷേകം, ഭദ്രകാളി ദേവീയുടെ കളംപൂജ, കളമെഴുത്തും പാട്ടും എന്നിവയും നടന്നു. ക്ഷേത്രം രക്ഷാധികാരി പി.സി. ഹരിദാസൻ, പ്രസിഡന്റ് എം.കെ. മൻമദൻ, സെക്രട്ടറി എം.കെ. പത്മനാഭൻ എന്നിവർ നേതൃത്വം നൽകി. ഏപ്രിൽ 23 ന് പത്താംമുദയം ആഘോഷിക്കും