> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# മുൻ കെ.പി.സി.സി. പ്രസിഡൻ്റും മുതിർന്ന കോൺഗ്രസ് നേതാവുമായ പി.പി.തങ്കച്ചൻ അന്തരിച്ചു
- URL: https://www.vaikomvartha.com/mu-ke-pi-si-si-prsidd-rrun-muti-nn-koo-grs-neetaavumaay-pi-pi-tngkcc-antriccu/
- Published: 2025-09-11T12:02:09.000Z
- Updated: 2025-09-11T12:02:09.000Z
- Author:  Vaikom Vartha News Desk
- Tags: Main News

തിരുവനന്തപുരം: മുൻ കെപിസിസി പ്രസിഡൻ്റും മുതിർന്ന കോൺഗ്രസ് നേതാവുമായ പി.പി.തങ്കച്ചൻ (86) അന്തരിച്ചു. ആലുവയിലെ സ്വകാര്യ ആശുപത്രിയിലായിരുന്നു അന്ത്യം. സംസ്കാരം മറ്റന്നാൾ പെരുമ്പാവൂരിൽ നടക്കും. എ.കെ.ആൻ്റണി മന്ത്രിസഭയിൽ കൃഷി മന്ത്രിയും ഒൻപതാം കേരള നിയമസഭയിൽ സ്പീക്കറുമായിരുന്നു. നാലു തവണ പെരുമ്പാവൂരിൽ നിന്നും നിയമസഭയിലെത്തി. ദീർഘകാലം യു.ഡി.എഫ് കൺവീനറായി പ്രവർത്തിച്ചു. പ്രതിപക്ഷ ചീഫ് വിപ്പ്, പെരുമ്പാവൂർ നഗരസഭ അധ്യക്ഷൻ, എറണാകുളം ജില്ലാ കോൺഗ്രസ് കമ്മിറ്റി അധ്യക്ഷൻ, റബർ ബോർഡ് അംഗം, കെ.പി.സി.സി വൈസ് പ്രസിഡൻ്റ്, കേരഫെഡ് ചെയർമാൻ എന്നീ നിലകളിൽ സേവനം അനുഷ്ഠിച്ചിട്ടുണ്ട്.