> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# മൂത്തേടത്തുകാവ് ഭഗവതി ക്ഷേത്രത്തില്‍ വിഷുഉത്സവം; നാളെ തുടങ്ങും
- URL: https://www.vaikomvartha.com/muthrdathu-kavu-uthsavam/
- Published: 2026-04-12T14:32:25.000Z
- Updated: 2026-04-12T14:32:25.000Z
- Author:  Vaikom Vartha News Desk
- Tags: Latest News

വൈക്കം: മൂത്തേടത്തുകാവ് ഭഗവതി ക്ഷേത്രത്തില്‍ വിഷു മഹോത്സവം 13,14,15 തീയതികളില്‍ ആഘോഷിക്കും.  
13ന് രാവിലെ ഗണപതിഹോമം, ഉച്ചപൂജ, വൈകിട്ട് വിശേഷാല്‍ ദീപാരാധന, വെടിക്കെട്ട്, ഭക്തിഗാനമേള, വലിയ തീയാട്ട് എന്നിവ നടക്കും. 14ന് ഗരുഡന്‍ തൂക്കം, പന്തീരുനാഴി നിവേദ്യം, ഉച്ചപൂജ, വൈകിട്ട് താലപ്പൊലി, രാത്രി ഗരുഡന്‍തൂക്കം, തുടര്‍ന്ന് ഗരുഡന്‍മാരുടെ തട്ടില്‍പയറ്റ് ചൂണ്ടകോര്‍ക്കല്‍ എന്നിവയും നടക്കും. തുടര്‍ന്ന് അത്താഴപൂജയും തീയാട്ടും. 15ന് വിഷുഉത്സവം ആഘോഷിക്കും. പുലര്‍ച്ചെ 4ന് ശ്രീകോവില്‍ നടതുറന്ന് കണിദര്‍ശനം നടത്തും. തുടര്‍ന്ന് കളമെഴുത്ത് തുടങ്ങും. ഉച്ചപൂജ, വൈകിട്ട് തെക്കുപുറത്ത് ഗുരുതി, വില്‍പാട്ട്, ദീപക്കാഴ്ച, എരിതേങ്ങ, അത്താഴപൂജ, തെക്കുപുറത്ത് വലിയ ഗുരുതി, വലിയ തീയാട്ട്, അരിയേറ് എന്നീ ചടങ്ങുകള്‍ക്ക് ശേഷം നടയടക്കും. 3 മാസക്കാലം നടയടച്ചിടുന്ന സമ്പ്രദായമാണ് മൂത്തേടത്തുകാവിലെ ആചാരം. ഭഗവതി മധുരാപുരിയിലേക്ക് പുറപ്പെടുന്ന വിശ്വാസത്തിലാണ് 3 മാസക്കാലം നടയടച്ചിടുന്നത്.