> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# മൂത്തേടത്തുകാവ് ഭഗവതി ക്ഷേത്രത്തില്‍ വടക്കുപുറത്ത് ദേശഗുരുതി വെള്ളിയാഴ്ച
- URL: https://www.vaikomvartha.com/muutteettttukaav-bhgvti-ksseetrttil-vttkkupurrtt-deeshguruti-velllliyaalllc/
- Published: 2026-02-04T13:05:10.000Z
- Updated: 2026-02-04T13:05:10.000Z
- Author:  Vaikom Vartha News Desk
- Tags: Latest News

വൈക്കം: മൂത്തേടത്തുകാവ് ഭഗവതി ക്ഷേത്രത്തില്‍ പന്ത്രണ്ട് വര്‍ഷത്തില്‍ ഒരിക്കല്‍ നടത്തുന്ന വടക്കുപുറത്ത് ദേശഗുരുതി വെള്ളിയാഴ്ച നടക്കും. വൈക്കം മഹാദേവ ക്ഷേത്രത്തില്‍ പന്ത്രണ്ട് വര്‍ഷം കൂടുമ്പോള്‍ നടക്കുന്ന വടക്കുപുറത്ത് പാട്ടിന്റെ തുടരകണചടങ്ങാണ് മൂത്തേടത്തുകാവ് ക്ഷേത്രത്തില്‍ നടക്കുന്ന വടക്കുപുറത്ത് ദേശഗുരുതി. വെള്ളിയാഴ്ച രാവിലെ ഗണപതിഹോമത്തോടെ ചടങ്ങുകള്‍ തുടങ്ങും. വൈകിട്ട് 7 ന് അത്താഴ പൂജ, വിശേഷാല്‍ തെക്കുപുറത്ത് ഗുരുതി, വലിയ തീയ്യാട്ട് എന്നിവയ്ക്കുശേഷം വടക്കുപുറത്ത് ദേശഗുരുതിയുടെ ചടങ്ങുകള്‍ നടക്കും. ഊരാഴ്മ ഇല്ലക്കാരായ ഇണ്ടം തുരുത്തി നീലകണ്ഠന്‍ നമ്പൂതിരി, മുരിഞ്ഞൂര്‍ മന വിഷ്ണു നമ്പൂതിരി, ആനത്താനത്തില്ലത്ത് എ. ജി. വാസുദേവന്‍ നമ്പൂതിരി, ഇണ്ടം തുരുത്തി ഹരഹരന്‍ നമ്പൂതിരി, ഇണ്ടം തുരുത്തി വി. മുരളീധരന്‍ നമ്പൂതിരി എന്നിവരുടെ നേതൃത്വത്തിലാണ് ചടങ്ങുകള്‍. ക്ഷേത്രം തന്ത്രി മോനാട്ടില്ലത്ത് കൃഷ്ണന്‍ നമ്പൂതിരി, മേല്‍ശാന്തി ജയചന്ദ്രന്‍ എമ്പ്രാന്തിരി, തീയ്യാട്ടുണ്ണി ശശിധര ശര്‍മ്മ എന്നിവരുടെ മുഖ്യ കാര്‍മ്മികത്വത്തിലാണ് വടക്കുപുറത്ത് ദേശഗുരുതിയുടെ ചടങ്ങുകള്‍ നടക്കുക.