> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# നായർ മഹാസമ്മേളനത്തിന് കൊടിയുയർന്നു
- URL: https://www.vaikomvartha.com/naay-mhaasmmeellnttin-kottiyuy-nnu/
- Published: 2025-09-09T13:17:58.000Z
- Updated: 2025-09-09T13:42:42.000Z
- Author:  Vaikom Vartha News Desk
- Tags: Main News

വൈക്കം: എൻ.എസ്.എസ് വൈക്കം യൂണിയൻ സെപ്തംബർ 13 ന് നടത്തുന്ന നായർ മഹാസമ്മേളനത്തിന്റെ മുന്നോടിയായി യൂണിയൻ പ്രസിഡണ്ട് പി.ജി.എം. നായർ കാരിക്കോട് ബീച്ച് മൈതാനിയിൽ പാതാക ഉയർത്തി. വൈസ് പ്രസിഡണ്ട് പി.വേണുഗോപാൽ, സെക്രട്ടറി അഖിൽ ആർ. നായർ , ഭാരവാഹികളായ പി.എൻ. രാധാകൃഷ്ണൻ, എൻ. മധു , പി.എസ്. വേണുഗോപാൽ, ശ്രീനിവാസ് കോയ്ത്താനം, കെ.എൻ സജീവ്, ജി.സുരേഷ് ബാബു, തുടങ്ങിയവർ പങ്കെടുത്തു.  
കടുത്തുരുത്തി മേഖലയിൽ നിന്നു പതാകയും തലയോലപ്പറമ്പ് മേഖലയിൽ നിന്ന് കൊടിമരവും വെച്ചൂർ മേഖലയിൽ നിന്ന് കൊടിക്കയറും മുളക്കുളം മേഖലയിൽ നിന്നു മന്നത്ത് ആചാര്യന്റെ ഛായ ചിത്രവും ചെമ്പ് മേഖലയിൽ നിന്ന് ചട്ടമ്പി സ്വാമികളുടെ ഛായ ചിത്രവും വൈക്കം വലിയ കവലയിലെ മന്നം പ്രതിമ കോമ്പൗണ്ടിൽ എത്തിചേർന്നു.  
വൈക്കം മേഖല ചെയർമാൻ ബി. ജയകുമാർ കൺവീനർ എസ്.യു. കൃഷ്ണകുമാർ എന്നിവരുടെ നേതൃത്വത്തിൽ വിവിധ കരയോഗം - വനിതാ സമാജം ഭാരവാഹികളും സ്വീകരിച്ചു. തുടർന്ന് നിരവധി വാഹനങ്ങളുടെയും പ്രവർത്തകരുടെയും വാദ്യമേളങ്ങളുടെയും അകമ്പടിയോടെ സമ്മേളന നഗറിലേക്ക് ആനയിച്ചു.  
സമ്മേളന വേദിയായ ബീച്ച് മൈതാനിയിൽ നടന്ന ചടങ്ങിൽ യൂണിയൻ പ്രസിഡണ്ട് പി.ജി.എം. നായർ കാരിക്കോട്, വൈസ് പ്രസിഡണ്ട് പി. വേണുഗോപാൽ പ്രസംഗിച്ചു. ചടങ്ങിൽ മേഖല, കരയോഗം ഭാരവാഹികളും വനിത സമാജം പ്രവർത്തകരും പങ്കെടുത്തു.

0:00 

/0:35 

1× 

0:00 

/0:16 

1×