> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# വാണിജ്യ ഗ്യാസ് വിലവർദ്ധനവ്: സംസ്ഥാനത്തെ ഹോട്ടലുകളും ബേക്കറികളും നാളെ അടച്ചിടും
- URL: https://www.vaikomvartha.com/nale-hotalukal-adachidum/
- Published: 2026-05-05T14:25:12.000Z
- Updated: 2026-05-05T14:25:12.000Z
- Author:  Vaikom Vartha News Desk
- Tags: Latest News

തിരുവനന്തപുരം: ഹോട്ടൽ ആൻഡ് റസ്റ്റോറൻറ് അസോസിയേഷൻ പ്രതിഷേധത്തിന്റെ ഭാഗമായി നാളെ ഹോട്ടലുകൾ അടച്ചിടുന്നു. അന്യായമായ വാണിജ്യഗ്യാസ് വിലവർദ്ധനവിനെ തുടർന്നാണ് ഹോട്ടൽ ആൻഡ് റസ്റ്റോറൻറ് അസോസിയേഷൻ നാളെ ഹോട്ടലുകളും ബേക്കറികളും അടച്ചിടുന്നത്. സൂചന പ്രതിഷേധ സമരത്തിൻ്റെ ഭാഗമായാണ് നാളെ സംസ്ഥാനത്തെ ഹോട്ടലുകളും ബേക്കറികളും അടച്ചിടുന്നത്. നാളെ 24 മണിക്കൂറും ഹോട്ടലുകൾ പ്രവർത്തിക്കില്ല. നിലവിൽ ഭക്ഷണസാധനങ്ങളുടെ വിലകൂട്ടാതെ ഹോട്ടലുകൾ പ്രവർത്തിക്കാൻ കഴിയാത്ത സാഹചര്യമാണ് ഉള്ളതെന്നാണ് ഹോട്ടലുടമകളുടെ പരാതി. ഇതുവരെ ഉണ്ടാകാത്ത രീതിയിലുള്ള വിലവർദ്ധനവാണ് ഇത്തവണ ഉണ്ടായതെന്നും ഹോട്ടലുടമകൾ പറയുന്നു. വാണിജ്യ ഗ്യാസിന്റെ വില കുറയ്ക്കാൻ നടപടി ഉണ്ടായില്ലെങ്കിൽ ഹോട്ടൽ ഭക്ഷണത്തിന്റെ വിലയിൽ ഗണ്യമായ വർദ്ധനവ് ഉണ്ടാവുമെന്നാണ് സൂചന.