> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# വൈക്കം നഗരസഭയിൽ തകർന്ന ഓട സ്ലാബുകൾ ഭീഷണിയാവുന്നു: തെക്കേനടയിൽ കാർ ഓടയിൽ കുടുങ്ങി
- URL: https://www.vaikomvartha.com/news-vaikom-municipality/
- Published: 2026-06-20T15:43:13.000Z
- Updated: 2026-06-20T15:43:13.000Z
- Description: എസ്. സതീഷ്കുമാർ
- Author:  Vaikom Vartha News Desk
- Tags: Latest News

വൈക്കം: നഗരസഭയിലെ റോഡുകളിലും ഇടറോഡുകളിലും ഓടകൾ മൂടിയ സ്ലാബുകൾ തകർന്നതും സ്ഥാനം തെറ്റികിടക്കുന്നതും അപകടകാരണമാവുന്നു. നഗരസഭ ഇരുപത്തി ഒന്നാം വാര്‍ഡില്‍ തെക്കേനട അനാരി- കൊച്ചുപാലയ്ക്കല്‍ റോഡിലെ ഓടയില്‍ കാറിൻ്റെ മുൻ ടയർ കുടുങ്ങി. മുന്‍വശത്തെ ഇടതു ടയറാണ് സ്ലാബില്ലാത്ത ഓടയ്ക്കുള്ളിലേക്ക് കുടുങ്ങിയത്. ഇവിടെ ഓട മൂടിയ സ്ലാബ് ഓടയിൽ വീണ് കിടന്നതാണ് കാർ കുടുങ്ങാൻ കാരണം. വൈക്കം സ്വദേശികളായ കുടുംബം സഞ്ചരിച്ച കാറാണ് ഓടയില്‍ അകപ്പെട്ടത്. ശനിയാഴ്ച വൈകീട്ടാണ് കാർ ഓടയിൽ പെട്ടത്. ട്രാക്ടർ എത്തിച്ച് കെട്ടിവലിച്ചാണ് ഓടയില്‍ കുടുങ്ങിയ കാര്‍ പുറത്തെടുത്തത്. ഇവിടെയുണ്ടായിരുന്ന സ്ലാബ് ഓടയുടെ ഉള്ളിലേക്ക് വീണ് കിടന്നിട്ടും നേരെയാക്കാൻ നടപടി ഇല്ലാത്തതാണ് ഇങ്ങനെ അപകടകാരണമാക്കുന്നത്. ഇതിനുമുമ്പും ഇവിടത്തന്നെ മറ്റൊരു വാഹനത്തിന് സൈഡ് കൊടുക്കുന്നതിനിടെ വാഹനം മറിഞ്ഞ് ഓടയിലേക്ക് വീണ് ബൈക്ക് യാത്രികന് പരിക്കേറ്റിരുന്നതായി പറയുന്നു. ഇവിടെ മാത്രമല്ല നഗര പ്രദേശത്ത് മറ്റ് ചിലയിടങ്ങളിലും സ്ലാബുകൾ തകർന്നും സ്ഥാനം തെറ്റിയും കിടക്കുന്നത് കാൽ നടക്കാർക്കടക്കം അപകട സാധ്യതയാകുന്നുണ്ട്.