> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# ഓപ്പറേഷൻ തൂഫാൻ: കണ്ണൂരിൽ ജ്യോത്സ്യൻ പിടിയിൽ
- URL: https://www.vaikomvartha.com/operation-thoofan-2/
- Published: 2026-06-04T10:43:39.000Z
- Updated: 2026-06-04T10:43:39.000Z
- Author:  Vaikom Vartha News Desk
- Tags: Latest News

കണ്ണൂർ: പയ്യന്നൂരിൽഓപ്പറേഷൻ തൂഫാന്റെ ഭാഗമായി നടന്ന പരിശോധനയിൽ പിടിയിലായത് ജോത്സ്യൻ. അലമാരയിൽ നിന്ന് പിടിച്ചെടുത്തത് 5.77ഗ്രാം കഞ്ചാവ്. ജ്യോതിഷാലയം നടത്തിപ്പുകാരനായ പെരികമന ഇല്ലം ഭാരവാഹി കാങ്കോൽ വടശ്ശേരി നാൽപതുകാരനായ ശ്രീനാഥ് ആണ് പൊലീസ് പിടിയിലായത്. പയ്യന്നൂർ പഴയ ബസ് സ്റ്റാൻഡിനു സമീപം പ്രവർത്തിക്കുന്ന ജ്യോതിഷാലയത്തിൽ നിന്നാണ് കഞ്ചാവ് പിടിച്ചത്. ഇന്നലെ വൈകിട്ട് പയ്യന്നൂർ സബ് ഇൻസ്പെക്ടർ പി.വി. അനുശ്രീയുടെ നേതൃത്വത്തിലുള്ള പൊലീസും ഡാൻസാഫ് സംഘവും ചേർന്നാണ് പരിശോധന നടത്തിയത്. 

![](https://storage.ghost.io/c/73/35/73353a9a-5bd9-4965-8a9f-0f7ff3ad2d79/content/images/2026/06/1000569575-4.jpg)

പോലീസിന് കിട്ടിയ രഹസ്യ വിവരത്തിന്റെ അടിസ്ഥാനത്തിലായിരുന്നു പരിശോധന. കെട്ടിടത്തിന്റെ താഴത്തെ നിലയിലുള്ള മുറിയിലെ ചുമർ അലമാരയിൽ പ്ലാസ്റ്റിക് കവറിലാക്കി സൂക്ഷിച്ച നിലയിലായിരുന്നു കഞ്ചാവ് സൂക്ഷിച്ചിരുന്നത്. നോക്കിയപ്പോൾ കണ്ടത് 5.77 ഗ്രാം കഞ്ചാവാണ്. ജ്യോൽസ്യർക്ക് തൻ്റെ ജാതക വിധി കവടിനിരത്തി മുൻകൂട്ടി കാണാനായില്ല എന്നതും ശ്രീനാഥ് ജ്യോൽസർക്ക് പറ്റിയ വീഴ്ചയെന്നാണ് സംസാരം. എന്തായാലും പോലീസ് അറസ്റ്റിലായ ജ്യോൽസർ ഇനി കേസു പറയണ്ടേ അവസ്ഥയിലാണ്.