> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# പാറയ്ക്കൽ - തട്ടാവേലി തീരദേശ റോഡ് സംരക്ഷണ ഭിത്തിയുടെ നിർമാണം തുടങ്ങി
- URL: https://www.vaikomvartha.com/paarrykk-tttttaaveeli-tiirdeesh-rroodd-snrkssnn-bhittiyutte-ni-maannn-tuttngngi/
- Published: 2026-02-26T15:26:04.000Z
- Updated: 2026-02-26T15:26:04.000Z
- Author:  Vaikom Vartha News Desk
- Tags: Latest News

തലയോലപറമ്പ്: പ്രളയത്തെ തുടർന്ന് പുഴയിലേക്കിടിഞ്ഞുതാണ വെള്ളൂർ പഞ്ചായത്തിലെ പാറയ്ക്കൽ - തട്ടാവേലി തീരദേശ റോഡ് സംരക്ഷണ ഭിത്തികെട്ടി പുനർനിർമിക്കുന്ന പണികൾ പുരോഗമിക്കുന്നു. 2021ലാണ് പുഴയോരം ഇടിഞ്ഞു പാറയ്ക്കൽ റോഡ് പുഴയിലേക്ക് ഇടിഞ്ഞു താണത്. ഇതോടെ ഇതു വഴിയുള്ള വാഹന ഗതാഗതം തടസപ്പെട്ടിരുന്നു.പ്രദേശവാസികളുടെ നിരന്തരാവശ്യത്തെ തുടർന്ന് സി.കെ. ആശ എം.എൽ.എ യുടെ ശ്രമഫലമായി സംസ്ഥാന സർക്കാർ സംരക്ഷണ ഭിത്തികെട്ടി റോഡ് പുനർനിർമിക്കാൻ ഒരു കോടി രൂപ ബജറ്റിൽ അനുവദിക്കുകയായിരുന്നു. പാറയ്ക്കൽ കവലമുതൽ ഗണപതിമഹാവിഷ്ണു ക്ഷേത്രം വരെയുള്ള റോഡിലെ തകർന്ന നാലിടങ്ങളിലായി 160 മീറ്ററോളം കരിങ്കൽ ഭിത്തികെട്ടി ബലപ്പെടുത്തി 280 മീറ്ററോളം റോഡ് പുനർനിർമിക്കുന്ന പദ്ധതിയുടെ നിർവഹണം ഇറിഗേഷൻ വകുപ്പ് മുഖേനയാണ് നടക്കുന്നത്. ഗണപതി മഹാവിഷ്ണു ക്ഷേത്രത്തിന് സമീപത്ത് 20മീറ്റർ കരിങ്കൽക്കെട്ട് പൂർത്തിയായി. ബാക്കി ഭാഗത്തെ ഫൗണ്ടേഷൻ കഴിഞ്ഞു. ദ്രുതഗതിയിൽ നടക്കുന്ന നിർമാണ പ്രവർത്തനങ്ങൾ ഉടൻ പൂർത്തിയാക്കി പ്രദേശവാസികളുടെ ഗതാഗത സൗകര്യം പുനസ്ഥാപിക്കുന്നതിനുള്ള ഊർജിതശ്രമമാണ് അധികൃതർ നടത്തിവരുന്നത്.