> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# മറ്റവൻതുരുത്ത് സർക്കാർ യു.പി സ്കൂളിൽ  പഠനോപകരണ വിതരണം
- URL: https://www.vaikomvartha.com/padanopakarana-vitharanam-4/
- Published: 2026-06-08T12:30:25.000Z
- Updated: 2026-06-08T12:30:25.000Z
- Author:  Vaikom Vartha News Desk
- Tags: Latest News

മറവൻതുരുത്ത്: മണിയശ്ശേരി ദേവസ്വം ട്രസ്റ്റിന്റെ ആഭിമുഖ്യത്തിൽ  
മറവന്തുരുത്ത് സർക്കാർ യു.പി സ്കൂളിലെ കുട്ടികൾക്ക് പഠനോപകരണങ്ങളുടെ കിറ്റ് വിതരണം ചെയ്തു. തുടർച്ചയായി ആറാം വർഷമാണ് അദ്ധ്യയന വർഷ തുടക്കത്തിൽ ട്രസ്റ്റ്‌ ഭാരവാഹികൾ വിദ്യാർത്ഥികൾക്കു പഠനത്തിനാവശ്യമായ കിറ്റ് നൽകുന്നത്. പി.ടി.എ പ്രസിഡന്റ്‌ അഡ്വ.പി.ആർ പ്രമോദ് അധ്യക്ഷത വഹിച്ച യോഗത്തിൽ ചടങ്ങിന്റെ ഉദ്ഘാടനം മണിയശ്ശേരി ദേവസ്വം ട്രസ്റ്റ്‌ പ്രസിഡന്റ്‌ എം.കെ മധുസൂദനൻ നായർ നിർവ്വഹിച്ചു. മണിയശ്ശേരി പൂജാ ഫൗണ്ടേഷന്റെ പ്രസിഡന്റ്‌ എം.കെ മുരളീഗോപാൽ, സെക്രട്ടറി എം.കെ രാധാമാധവൻ, ട്രഷറര്‍ ജി. അനിൽ നായർ, മാനേജർ അനിൽകുമാർ, പി.ടി.എ വൈസ് പ്രസിഡന്റ്‌ വി.പി ജയകുമാർ, എം.പി.ടി.എ പ്രസിഡന്റ്‌ സൗദാ നവാസ് എന്നിവർ ആശംസകൾ നേർന്നു. സ്കൂൾ ഓഡിറ്റോറിയത്തിൽ നടത്തിയ പരിപാടിക്ക് ഹെഡ്മാസ്റ്റർ സി.പി പ്രമോദ് സ്വാഗതവും അദ്ധ്യാപകൻ ബോബി ജോസ് നന്ദിയും പറഞ്ഞു.