> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# പഠനോപകരണ വിതരണവും ബോധവത്കരണ ക്ലാസ്സും നടത്തി
- URL: https://www.vaikomvartha.com/padanopakarana-vitharanam/
- Published: 2026-05-24T07:26:23.000Z
- Updated: 2026-05-24T07:26:23.000Z
- Author:  Vaikom Vartha News Desk
- Tags: Latest News

ഇടവട്ടം: എസ്.എൻ.ഡി.പി യോഗം 662 -ാം നമ്പർ ഇടവട്ടം സൗത്ത് ശാഖയുടെ നേതൃത്വത്തിൽ മണ്ഡലകാല പ്രാർത്ഥനയും പഠനോപകരണ വിതരണവും എൻഡോവ്മെൻ്റു വിതരണവും കുട്ടികൾക്കായുള്ള ബോധവത്കരണ ക്ലാസ്സും നടത്തി. മണ്ഡലകാല പ്രാർത്ഥന രാവിലെ ആറു മണിക്ക് ഗുരു മന്ദിരത്തിൽ നടത്തി. തുടർന്നു ശാഖാ ഹാളിൽ വനിതാ സംഘം പ്രസിഡൻ്റ് ഗീതാ ചക്രപാണി ഭദ്രദീപ പ്രകാശനം നടത്തി.  
കുട്ടികൾക്കുള്ള ബോധവത്കരണക്ലാസ് വി.വി. കനകാംബരൻ നയിച്ചു.  
ശാഖാ പ്രസിഡൻ്റ് കെ.കെ.പി സന്തോഷ് കുമാർ അധ്യക്ഷത വഹിച്ചു. ശാഖാ സെക്രട്ടറി കെ. രാജ്കുമാർ സ്വാഗതവും, ശാഖാ പ്രസിഡൻ്റ് എൻഡോവുമെൻ്റ് വിതരണവും നടത്തി. വൈസ് പ്രസിഡൻ്റ് വി.കെ. മനോഹരൻ, യൂണിയൻ കമ്മറ്റിയംഗം സുധീർ ഇടവട്ടം, സോമരാജൻ വാഴയിൽ, വനിതാ സംഘം സെക്രട്ടറി പ്രസന്ന ഗുണശീലൻ, അമ്പിളി ശശി, ശോഭാ രാജു, ആർ. വാസുദേവൻ വാലയിൽ എന്നിവർ പ്രസംഗിച്ചു.