> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# വീട്ടുമുറ്റത്ത് കളിക്കുന്നതിനിടെ പാമ്പുകടിയേറ്റ നാലുവയസുകാരി മരിച്ചു
- URL: https://www.vaikomvartha.com/pambukadiyettu-marichu/
- Published: 2026-04-30T07:54:46.000Z
- Updated: 2026-04-30T07:54:46.000Z
- Author:  Vaikom Vartha News Desk
- Tags: Latest News, Kasargod

കാസർകോട്: വീട്ടുമുറ്റത്ത് കളിക്കുന്നതിനിടെ പാമ്പുകടിയേറ്റ നാലുവയസുകാരി മരിച്ചു. എളരിത്തട്ട് സ്വദേശിയായ ഋതുവാണ് മരിച്ചത്. മൂർഖന്റെ കടിയേറ്റ ഋതു ചികിൽസയിലായിരുന്നു. കഴിഞ്ഞ ബുധനാഴ്ച‌യാണ് കുട്ടിക്ക് പാമ്പുകടിയേറ്റത്. വീട്ടുമുറ്റത്ത് അടുക്കി വച്ചിരുന്ന മരത്തിന്റെ കഷ്ണങ്ങൾക്കിടയിൽ വീണ കളിപ്പാട്ടമെടുക്കാൻ ശ്രമിക്കുന്നതിനിടെയാണ് കയ്യിൽ പാമ്പുകടിയേറ്റത്. ഉടൻ തന്നെ രക്ഷിതാക്കളോട് പറയുകയും ആശുപത്രിയിൽ എത്തിക്കുകയും ചെയ്തു. കാസർകോട്ടെ ആശുപത്രിയിൽ ഐ.സി.യു ബെഡ്‌ഡില്ലാതിരുന്നതിനാൽ പയ്യന്നൂരിലെ ആശുപത്രിയിലേക്ക് കുട്ടിയെ അയച്ചു. പയ്യന്നൂരിലെത്തിയപ്പോഴേക്ക് കുട്ടിയുടെ നില വഷളാകുകയും കുഴഞ്ഞുവീഴുകയുമായിരുന്നു. പയ്യന്നൂരിലെ സ്വകാര്യ ആശുപത്രിയിൽ നിന്ന് പിന്നീട് പരിയാരം മെഡിക്കൽ കോളജിലേക്ക് മാറ്റി. വെന്റിലേറ്ററിലായിരുന്ന ഋതുവിനെ വീണ്ടും കണ്ണൂരിലെ സ്വകാര്യ ആശുപത്രിയിലേക്ക് മാറ്റുകയും ചെയ്തിരുന്നു. ചികിൽസയിൽ ഇരിക്കെ രാവിലെയാണ് മരണം സംഭവിച്ചത്.