> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# ഫെസ്റ്റിവ 2026 ന് തുടക്കമായി
- URL: https://www.vaikomvartha.com/phesrrrriv-2026-n-tuttkkmaayi/
- Published: 2026-05-19T11:41:25.000Z
- Updated: 2026-05-19T11:41:25.000Z
- Author:  Vaikom Vartha News Desk
- Tags: Latest News

വൈക്കം: ഉദയനാപുരം പഞ്ചായത്തിൽ 200 കുട്ടികൾ പങ്കെടുക്കുന്ന ബാലസഭ ഫെസ്റ്റിവ 2026 ന് തുടക്കമായി. കുടുംബശ്രീ കോട്ടയം ജില്ലാ മിഷൻ്റെ നേതൃത്വത്തിലുള്ള ഉദയനാപുരം പഞ്ചായത്ത് കമ്മ്യൂണിറ്റി ഡെവലപ്മെൻ്റ് സൊസൈറ്റി കുട്ടികളുടെ ബാലസഭക്കാണ് തുടക്കമായത്. ഉദയനാപുരം പഞ്ചായത്ത് പ്രസിഡൻ്റ് കെ.ജി. രാജു ഉദ്ഘാടനം ചെയ്തു. മൂന്ന് ദിവസം നീണ്ടുനിൽകുന്നതാണ് കുട്ടികളുടെ ക്യാമ്പ്. പഞ്ചായത്തിലെ പതിനെട്ട് വാർഡുകളിൽ നിന്നായി തെരഞ്ഞെടുക്കപ്പെട്ട 200 കുട്ടികളാണ് ക്യാമ്പിൽ പങ്കെടുക്കുന്നത്. സി.ഡി.എസ്സ് ചെയർപേഴ്‌സൺ ശ്രീപ്രിയ ദിലീപ് ക്യാമ്പിൻ്റെ അദ്ധ്യക്ഷത വഹിച്ചു. പഞ്ചായത്ത് വൈസ് പ്രസിഡൻ്റ് ബിന്ദു അനിൽകുമാർ സ്റ്റാൻഡിംഗ് കമ്മറ്റി ചെയർമാന്മാരായ ജസീനാ ഷാജുദ്ദീൻ, അജിതാ മധുകുട്ടൻ സി.ഡി.എസ് അംഗങ്ങളായ സുനിലാ ഷിബു, ആശാ മനോജ്, ബാലസഭ റിസോഴ്‌സ് പേഴ്സൺ നിഷ ബിജു, ബ്ലോക്ക് കോ-ഓർഡിനേറ്റർ ലിഡിയ എന്നിവർ ക്യാമ്പിന് നേതൃത്വം നൽകി.