> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# പനങ്കാവ് ദേവീ ക്ഷേത്രത്തിലെ പൂരക്കാഴ്ച്ച വർണാഭമായി
- URL: https://www.vaikomvartha.com/pnngkaav-deevii-ksseetrttile-puurkkaalllcc-v-nnaabhmaayi/
- Published: 2026-02-18T17:37:40.000Z
- Updated: 2026-02-18T17:37:40.000Z
- Author:  Vaikom Vartha News Desk
- Tags: Latest News

വൈക്കം: ചെമ്പ് പനങ്കാവ് ദേവീ ക്ഷേത്രത്തിൽ കുംഭ ഭരണി ഉത്സവത്തോട് അനുബന്ധിച്ച് ചിലമ്പ് പൂരാഘോഷ കൂട്ടായ്മ നടത്തിയ പൂരക്കാഴ്ച്ച വർണാഭമായി. ചെമ്പ് പെട്രോൾ പമ്പിന് എതിർവശം ചാത്തനാട്ട് ക്ഷേത്രത്തിൽ നിന്ന് പുറപ്പെട്ട് മത്തുങ്കൽ റോഡ് വഴി ക്ഷേത്രത്തിൽ എത്തിച്ചേർന്നു. 250ൽപ്പരം കലാകാരന്മാർ അണിനിരന്ന പൂരക്കാഴ്ച കാണികൾക്ക് ദൃശ്യ ശ്രവ്യ വിരുന്നായി. ചിലമ്പ് പൂരം ആഘോഷം കണ്ട് ആസ്വദിക്കാൻ നാടിൻ്റെ നാനാ ദിക്കുകളിൽ നിന്നായി ആയിരങ്ങളാണ് ഇന്നലെ വൈകുന്നേരം മുതൽ ക്ഷേത്രാങ്കണത്തിൽ തടിച്ചു കൂടിയത്.

![](https://storage.ghost.io/c/73/35/73353a9a-5bd9-4965-8a9f-0f7ff3ad2d79/content/images/2026/02/1000439014.jpg)

ആട്ടം കലാസമിതി തൃശൂർ അവതരിപ്പിച്ച ശിങ്കാരിമേളം. അഞ്ജന കണ്ണൂർ, അരുൺ തൃശൂർ എന്നിവർ നയിച്ച നാടൻ പാട്ട്, റിഥം ബീറ്റ്സ് പിറവം ഒരുക്കിയ ബാൻ്റ് മേളം, ചെമ്പ് കലാവേദിയുടെ പാണ്ടി മേളം, അക്കരപ്പാടം ബ്രദേഴ്‌സിൻ്റെ പമ്പമേളം, ഡ്രാഗൺ പത്മ തൃശൂർ ഒരുക്കിയ ചൈനീസ് ബാഗ്ലോസി ഡാൻസ്, ദൃശ്യകല തൃശൂർ ഒരുക്കിയ തിടമ്പ് ഡാൻസ്, ഗൊറില്ല പൂജ കന്യാകുമാരി അവതരിപ്പിച്ച ടിഡിബെയർ ഡാൻസ്, സ്‌ക്‌ഡ് ഇടപ്പള്ളിയുടെ ലൈറ്റനിങ്, നാട്ടരങ്ങ് കൊച്ചി അവതരിപ്പിച്ച ഫെസ്‌റ്റിവൽ ഡാൻസ്, കന്യാകുമാരി പൂജ അവതരിപ്പിച്ച തെയ്യം, സന്തോഷ് ആർപ്പൂക്കരയുടെ നേതൃത്വത്തിൽ നടത്തിയ മയൂര നൃത്തം, പഞ്ചവടി ചേർത്തല അവതരിപ്പിച്ച കൊട്ടക്കാവടി, ശ്രീമുരുക തൃപ്പൂണിത്തുറ അവതരിപ്പിച്ച ആട്ടക്കാവടി, ധ്രുവം ചക്കുളത്തുകാവ് ഒരുക്കിയ പൂക്കാവടി എന്നിവ ആടിയും പാടിയും കലാരൂപങ്ങൾ മൈതാനത്ത് നിരന്ന കാഴ്‌ച ആസ്വാദകരുടെ മനം കവർന്നു.

![](https://storage.ghost.io/c/73/35/73353a9a-5bd9-4965-8a9f-0f7ff3ad2d79/content/images/2026/02/1000439016.jpg)