> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# വെള്ളൂർ ഗവൺമെന്റ് എൽ.പി സ്കൂളിൽ പ്രവേശനോത്സവം ആഘോഷമായി നടത്തി
- URL: https://www.vaikomvartha.com/pravesanothsavam-2/
- Published: 2026-06-01T10:12:35.000Z
- Updated: 2026-06-01T10:12:35.000Z
- Author:  Vaikom Vartha News Desk
- Tags: Latest News

വെള്ളൂർ: വെള്ളൂർ പഞ്ചായത്തിലെ ഏക സർക്കാർ സ്കൂളായ ഗവൺമെന്റ് എൽ.പി സ്കൂളിൽ വർണാഭമായ പ്രവേശനോത്സവം നടത്തി. സ്കൂൾ പി.ടി.എ പ്രസിഡന്റ്‌ വി.എ. സനൂപ് അധ്യക്ഷത വഹിച്ച യോഗത്തിൽ സ്കൂൾ ഹെഡ്‌മിസ്ട്രസ് ബീന കുര്യൻ സ്വാഗതം ആശംസിച്ചു. സ്കൂൾ പ്രവേശനോത്സവം വെള്ളൂർ ഗ്രാമ പഞ്ചായത്ത് വൈസ് പ്രസിഡന്റ്‌ അനീഷ് ചന്ദ്രൻ നിർവഹിച്ചു. സർക്കാർ നിർദേശപ്രകാരം സൈബർ സുരക്ഷ പ്രതിജ്ഞ ജിസ്സ ടീച്ചർ കുട്ടികൾക്ക് ചൊല്ലിക്കൊടുത്തു. വാർഡ് മെമ്പർ ടി.വി ബേബി, സജിത പി.കെ, അമ്പിളി അജിത്ത്, കേരള സ്റ്റേറ്റ് സർവീസ് പെൻഷൻ യൂണിയൻ സംസ്ഥാന കൗൺസിൽ അംഗങ്ങളായ യു. ചന്ദ്രശേഖരൻ, ജി. പ്രസാദ് എന്നിവർ യോഗത്തിൽ ആശംസകൾ അർപ്പിച്ചു. സ്‌കൂൾ തല പഠനോപകരണ വിതരണവും യൂണിഫോം വിതരണവും പി.ടി.എ പ്രസിഡന്റ്‌ വി.എ. സനൂപ് നിർവ്വഹിച്ചു. കെ.എസ്.എസ്.പി.യു വെള്ളൂർ യൂണിറ്റിൻ്റേയും, മെമ്പർ അമ്പിളി സജിത്തിൻ്റേയും പഠനോപകരണങ്ങളും യോഗത്തിൽ വിതരണം ചെയ്തു. സീനിയർ അസിസ്റ്റൻ്റ് രമാകുമാരി ടി.പി ചടങ്ങിൽ കൃതജ്ഞത രേഖപ്പെടുത്തി.