> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# യുവപ്രതിഭ പുരസ്‌കാര ജേതാവ് രാഹുൽ ബാബുവിനെ വൈക്കം നഗരസഭ ആദരിച്ചു
- URL: https://www.vaikomvartha.com/rahul-babu-vaikom-nagarasabha/
- Published: 2026-04-18T12:49:21.000Z
- Updated: 2026-04-18T12:50:55.000Z
- Author:  Vaikom Vartha News Desk
- Tags: Latest News

വൈക്കം: ഫോക്‌ലോർ അക്കാദമി യുവപ്രതിഭ പുരസ്‌കാര ജേതാവ് രാഹുൽ ബാബുവിന് വൈക്കം നഗരസഭ ആദരം. കേരള ഫോക്‌ലോർ അക്കാദമിയുടെ യുവപ്രതിഭ പുരസ്‌കാരം നേടിയ പ്രശസ്ത വിൽപ്പാട്ട് കലാകാരൻ രാഹുൽ ബാബുവിനെയാണ് വൈക്കം നഗരസഭ ആദരിച്ചത്. നഗരസഭ കാര്യാലയത്തിൽ നടന്ന ചടങ്ങിൽ മുനിസിപ്പൽ ചെയർമാൻ അബ്ദുൽ സലാം റാവുത്തർ പുരസ്‌കാര ജേതാവിനെ പൊന്നാട അണിയിച്ച് ഉപഹാരം നൽകി. 

![](https://storage.ghost.io/c/73/35/73353a9a-5bd9-4965-8a9f-0f7ff3ad2d79/content/images/2026/04/1000514073.jpg)

സ്വന്തം നാട്ടിലെ കലാകാരൻ സംസ്ഥാന തലത്തിൽ ശ്രദ്ധേയമായ നേട്ടം കൈവരിച്ചത് വൈക്കത്തിന് അഭിമാനമാണെന്ന് രാഹുൽ ബാബുവിനെ ആദരിച്ച ചെയർമാൻ അബ്ദുൽസലാം റാവുത്തർ പറഞ്ഞു. വൈക്കം മുത്താരമ്മൻ വിൽപ്പാട്ട് സംഘത്തിന്റെ പ്രധാന വിൽപ്പാട്ട് കലാകാരനാണ് രാഹുൽ ബാബു. നാടൻ കലാരംഗത്ത്, പ്രത്യേകിച്ച് വിൽപ്പാട്ട് എന്ന കലാരൂപത്തെ ജനകീയമാക്കുന്നതിനും പുതുതലമുറയ്ക്ക് പകർന്നു നൽകുന്നതിനും നടത്തുന്ന സേവനങ്ങൾക്കാണ് കേരള സർക്കാർ ഫോക്‌ലോർ അക്കാദമി രാഹുൽ ബാബുവിന് പുരസ്കാരം നൽകിയത്. വാർഡ് കൗൺസിലർമാരും നഗരസഭാ ഉദ്യോഗസ്ഥരും പങ്കെടുത്ത ചടങ്ങിലാണ് രാഹുൽബാബു ആദരം ഏറ്റുവാങ്ങിയത്.