> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# മടിയത്തറ സ്‌കൂള്‍ സ്‌റ്റേഡിയം നിര്‍മ്മാണം: കോണ്‍ഗ്രസ്സ് രാഷ്ട്രിയവിശദീകരണം നടത്തി
- URL: https://www.vaikomvartha.com/rastreeyavisdeekarana-yogam/
- Published: 2026-05-01T12:20:32.000Z
- Updated: 2026-05-01T12:20:32.000Z
- Author:  Vaikom Vartha News Desk
- Tags: Latest News

വൈക്കം: മടിയത്തറ സ്‌കൂളിലെ കളിസ്ഥല നിര്‍മ്മാണം നഗരസഭ തടസ്സപ്പെടുത്തിയെന്ന് എല്‍.ഡി.എഫ് ദുഷ്പ്രചരണം നടത്തുന്നതിനെതിരെ വൈക്കം ടൗണ്‍ മണ്ഡലം കോണ്‍ഗ്രസ്സ് കമ്മറ്റിയുടെ ആഭിമുഖ്യത്തില്‍ നഗരസഭ കവാടത്തില്‍ രാഷ്ട്രീയവിശദീകരണ യോഗം നടത്തി. ടൗണ്‍ മണ്ഡലം കോണ്‍ഗ്രസ്സ് പ്രസിഡന്റ് സോണി സണ്ണിയുടെ അദ്ധ്യക്ഷതയില്‍ ചേര്‍ന്ന യോഗം ബ്ലോക്ക് കോണ്‍ഗ്രസ്സ് പ്രസിഡന്റ് പി.ഡി. ഉണ്ണി ഉല്‍ഘാടനം ചെയ്തു.  
കെ.പി.സി.സി അംഗം മോഹന്‍ ഡി. ബാബു, നഗരസഭ ചെയര്‍മാന്‍ അബ്ദുള്‍സലാം റാവുത്തര്‍, സൗദാമിനി അഭിലാഷ്, പി.ടി. സുഭാഷ്, ഇടവട്ടം ജയകുമാര്‍, ബി. രാജശേഖരന്‍, രേണുക രതീഷ്, പി.ഡി. പ്രസാദ്, ഷാനവാസ്, കെ.എം. രാജപ്പന്‍, സോമന്‍ അയ്യേരി എന്നിവര്‍ പ്രസംഗിച്ചു.