> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# ചെമ്മനത്ത് വട്ടവേലി റോഡ് ഉദ്ഘാടനം ചെയ്തു
- URL: https://www.vaikomvartha.com/road-udghadanam-cheythu/
- Published: 2026-05-10T12:29:51.000Z
- Updated: 2026-05-10T12:29:51.000Z
- Author:  Vaikom Vartha News Desk
- Tags: Latest News

വൈക്കം: ടി.വി പുരം ഗ്രാമപഞ്ചായത്ത് അഞ്ചാം വാർഡിലെ ചെമ്മനത്ത് വട്ടവേലിൽ റോഡ് ഗ്രാമപഞ്ചായത്ത് പ്രസിഡന്റ് എസ്. ബിജു ഉദ്ഘാടനം ചെയ്തു. കഴിഞ്ഞ ഗവൺമെന്റ് മുഖ്യമന്ത്രിയുടെ ഗ്രാമീണ റോഡ് പുനരുദ്ധാരണ പദ്ധതിയിൽ പെടുത്തി 25 ലക്ഷം രൂപയാണ് റോഡ് നിർമ്മാണത്തിനായി അനുവദിച്ചത്. പൂർണ്ണമായും ആധുനിക നിലവാരത്തിലുള്ള കോൺക്രീറ്റ് ഉപയോഗിച്ചാണ് റോഡ് നിർമ്മിച്ചിട്ടുള്ളത്. മുൻ വൈക്കം എം.എൽ.എ സി.കെ ആശയുടെ നിർദ്ദേശപ്രകാരമാണ് ഈ പദ്ധതി അനുവദിക്കപ്പെട്ടത്. സ്വതന്ത്രമായ നടവഴി പോലും ഇല്ലാതിരുന്ന ഈ പ്രദേശത്തേക്ക് പുതിയ റോഡ് നിർമ്മിച്ച് സഞ്ചാര സ്വാതന്ത്ര്യം ഉറപ്പുവരുത്തിയ സംസ്ഥാന ഗവൺമെന്റിനോടുള്ള നന്ദി പ്രകടനവും കൂടിയായിരുന്നു ഈ ഉദ്ഘാടനം. വൈക്കം ബ്ലോക്ക് പഞ്ചായത്ത് ഈ റോഡിലേക്ക് ആവശ്യമായ സ്ട്രീറ്റ് ലൈനും ലൈറ്റും സ്ഥാപിച്ചു. ഗ്രാമപഞ്ചായത്ത് വൈസ് പ്രസിഡന്റ് അനിയമ്മ അശോകൻ അധ്യക്ഷത വഹിച്ചു. അഞ്ചാം വാർഡ് മെമ്പർ ദീപാ ബിജു മെമ്പർമാരായ വി.കെ ശ്രീകുമാർ, ഗീതാ പ്രകാശൻ, ബ്ലോക്ക് പഞ്ചായത്ത് മെമ്പർ ജീനാ തോമസ് സി.ഡി.എസ് ചെയർപേഴ്സൺ ആശാ അഭിഷേക്, സിപിഐ ടിവി പുരം നോർത്ത് ലോക്കൽ സെക്രട്ടറി കെ.വി നടരാജൻ, സി.പി.എം നോർത്ത് ലോക്കൽ സെക്രട്ടറി എസ്. അനീഷ് എന്നിവർ പ്രസംഗിച്ചു.