> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# റോഡ് നന്നാക്കാത്തതിൽ പ്രതിഷേധിച്ച് ഫെബ്രുവരി 3 ന് കെ.എസ്.ടി.പി ഓഫീസിനു മുന്നിൽ ധർണ്ണ നടത്തും
- URL: https://www.vaikomvartha.com/rroodd-nnnaakkaattti-prtisseedhicc-phebruvri-3-n-ke-es-tti-pi-oophiisinu-munni-dh-nnnn-nttttun/
- Published: 2026-01-28T08:22:23.000Z
- Updated: 2026-01-28T08:22:23.000Z
- Author:  Vaikom Vartha News Desk
- Tags: Latest News

വൈക്കം: നിർമ്മാണം മുടങ്ങി യാത്ര ദുരിതമായി മാറിയ മുളക്കുളം - ചന്തപ്പാലം റോഡ് നന്നാക്കാത്തതിൽ പ്രതിഷേധിച്ച് ഫെബ്രുവരി 3 ന് കെ.എസ്.ടി.പി ഓഫീസിനു മുന്നിൽ ജനപ്രതിനിധികൾ ധർണ്ണ നടത്തും. മുളക്കുളം-ചന്തപ്പാലം- വടയാർ-മുട്ടുചിറ റോഡ് നിർമ്മാണം അടിയന്തിരമായി പൂർത്തീകരിക്കണമെന്ന് ആവശ്യപ്പെട്ട് തലയോലപ്പറമ്പ് ബ്ലോക്ക് കോൺഗ്രസ് കമ്മറ്റി നടത്തുന്ന അനിശ്ചിതകാല സമരപരിപാടികളുടെ ഭാഗമായാണ് പൊൻകുന്നം കെ.എസ്.ടി.പി ഓഫീസിനു മുന്നിൽ ധർണ്ണാസമരം നടത്തുന്നത്. 

0:00 

/1:46 

1× 

ഫെബ്രുവരി മൂന്നിന് രാവിലെ നടത്തുന്ന പ്രതിഷേധ ധർണ്ണയിൽ തലയോലപ്പറമ്പ്, വെള്ളൂർ, ചെമ്പ്, മറവൻതുരുത്ത് പഞ്ചായത്തുകളിലെ ജനപ്രതിനിധികളും കോൺഗ്രസ് നേതാക്കളും പങ്കെടുക്കുമെന്ന് കോൺഗ്രസ് ബ്ലോക്ക് പ്രസിഡൻ്റ് എം.കെ. ഷിബു പറഞ്ഞു. റോഡിൻ്റെ നിർമ്മാണ ചുമതല നിർവ്വഹിക്കേണ്ട കെ.എസ്.ടി.പി യുടെ കെടുകാര്യസ്ഥതയും സർക്കാരിൻ്റെ അനാസ്ഥയുമാണ് നാല് വർഷമായി ഈ റോഡ് തകർന്നു കിടക്കാൻ കാരണമെന്നാണ് ആക്ഷേപം.