> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# രഥമെഴുന്നള്ളിപ്പ് ഭക്തി സാന്ദ്രമായി
- URL: https://www.vaikomvartha.com/rthmelllunnllllipp-bhkti-saandrmaayi/
- Published: 2026-01-19T14:48:00.000Z
- Updated: 2026-01-19T14:48:00.000Z
- Author:  Vaikom Vartha News Desk
- Tags: Latest News

വൈക്കം: വൈക്കം പുഴവായിക്കുളങ്ങര മഹാവിഷ്ണു ക്ഷേത്രത്തിലെ ഉൽസവത്തിന്റെ ഭാഗമായി നടന്ന രഥമെഴുന്നള്ളിപ്പ് ഭക്തി സാന്ദ്രമായി. അലങ്കരിച്ച രഥത്തിലാണ് ഭഗവാന്റെ തിടമ്പ് എഴുന്നള്ളിച്ചത്. വാദ്യമേളങ്ങൾ അകമ്പടിയായി. ഉൽസവത്തിന്റെ സമാപനം കുറിച്ചു കൊണ്ടുള്ള  
ആറാട്ട് നാളെ നടക്കും. തന്ത്രി മോനാട്ട് മന കൃഷ്ണൻ നമ്പൂതിരി, പ്രസാദ് ഭട്ടതിരി, ദിനിൽ ഭട്ടതിരി എന്നിവരുടെ കാർമികത്വത്തിൽ വൈകിട്ട് 5 നാണ് ആറാട്ടെഴുന്നള്ളിപ്പ്. രഥത്തിലാണ് ഭഗവാന്റെ ആറാട്ടെഴുന്നള്ളിപ്പ്. വിവിധ വാദ്യമേളങ്ങളോടെ അകമ്പടിയോടെ പുറപ്പെടുന്ന ആറാട്ടെഴുന്നള്ളിപ്പിന് വൃതമെടുത്ത ഭക്തരാണ് രഥം നിയന്ത്രിക്കുന്നത്. വലിയാന പുഴയിലെ കടത്തുകടവിലാണ് ആറാട്ട്. രാത്രി 8 ന് ആറാട്ടു വരവിന് വൈക്കം ജയന്റെ പഞ്ചാരിമേളവും താലപ്പൊലിയും അകമ്പടിയാകും. നാളെ രാവിലെ 8ന് ഉപദേവതമാർക്ക് കലശം 11.30 ന് തിരുവോണ സദ്യ. വൈകിട്ട് 5 ന് ആറാട്ടെഴുന്നള്ളിപ്പ്, 8 ന് ആറാട്ട് വരവ്, പഞ്ചാരിമേളം വിളക്ക്, വലിയ കാണിക്ക.  
ചടങ്ങുകൾക്ക് ഭാരവാഹികളായ എസ്. മധു , കെ.എം.നാരായണൻ നായർ, എ. ചന്ദ്രശേഖരൻ നായർ, ടി. നന്ദകുമാർ എന്നിവർ നേതൃത്വം നല്കും