> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# സൗജന്യ ദന്ത ചികിത്സാ ക്യാമ്പ്
- URL: https://www.vaikomvartha.com/s-jny-dnt-cikitsaa-kyaamp/
- Published: 2026-03-28T09:25:11.000Z
- Updated: 2026-03-28T09:25:11.000Z
- Author:  Vaikom Vartha News Desk
- Tags: Latest News

ടി.വി.പുരം: സേവാഭാരതി ടി.വി. പുരം യൂണിറ്റിന്റെയും കോട്ടയം ഗവൺമെൻറ് ദന്തൽ കോളജിന്റെയും സംയുക്ത ആഭിമുഖ്യത്തിൽ സൗജന്യ ദന്ത ചികിത്സാ ക്യാമ്പ് സംഘടിപ്പിച്ചു. ചെമ്മനത്തുകര എസ്.എൻ.ഡി.പി ഗുരുധർമ്മ പഠന കേന്ദ്രത്തിൽ വച്ച് നടന്ന ക്യാമ്പ് സേവാഭാരതി കോട്ടയം ജില്ല ഉപാധ്യക്ഷൻ കെ. രവീന്ദ്രൻ നായർ ഉദ്ഘാടനം ചെയ്തു. സേവാഭാരതി ടി.വി. പുരം യൂണിറ്റ് ഉപാധ്യക്ഷൻ എൻ.വി റെജി അധ്യക്ഷത വഹിച്ചു. ചടങ്ങിൽ എൻ. ലാലപ്പൻ സേവാ സന്ദേശം നൽകി. എസ്.എൻ.ഡി.പി. ബ്രാഞ്ച് 113 പ്രസിഡണ്ട് പി.വി. വേണുഗോപാൽ, സെൻറ് ആൻറണീസ് ചർച്ച് വികാരി ഫാദർ സുബിൻ പാറക്കൽ, സെക്രട്ടറി പി.ബി. റെജി, ഗീത പ്രസാദ് തുടങ്ങിയവർ സംസാരിച്ചു. കോട്ടയം ഗവൺമെൻറ് ദന്തൽ കോളേജിലെ വിദഗ്ധ ഡോക്ടർമാർ അടങ്ങുന്ന സംഘമാണ് ക്യാമ്പിൽ രോഗികളെ പരിശോധിച്ചത്. മുൻകൂട്ടി പേര് രജിസ്റ്റർ ചെയ്ത 150 ഓളം രോഗികളെ ക്യാമ്പിൽ പരിശോധിച്ചു ചികിത്സ നിർദ്ദേശിച്ചു. ക്യാമ്പിന് ആർ.എസ്.എസ് മണ്ഡൽ കാര്യവാഹ് സരീഷ്, പ്രൗഡ പ്രമുഖ് ഇ.വി. ഉത്തമൻ, സേവാഭാരതി ട്രഷറർ എം.വി. സാബു, ദീപാ സാബു., ദീപാ ബിനു, സന്ധ്യാ ഷാജി തുടങ്ങിയവർ നേതൃത്വം നൽകി.