> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# വാക്കയിൽ ക്ഷേത്രത്തിൽ ശ്രീമദ് ഭാഗവത സപ്‌താഹയജ്ഞത്തിന് തുടക്കം
- URL: https://www.vaikomvartha.com/sapthaham/
- Published: 2026-08-09T16:49:15.000Z
- Updated: 2026-08-09T17:01:41.000Z
- Author:  Vaikom Vartha News Desk
- Tags: Latest News

ഇടവട്ടം: വാക്കയിൽ ശ്രീധർമ്മശാസ്താ ക്ഷേത്രത്തിലെ 22-ാമത് ശ്രീമദ് ഭാഗവത സപ്താഹയജ്ഞത്തിന് ഭക്തിസാന്ദ്രമായ തുടക്കം കുറിച്ചു. ഞായറാഴ്ച വൈകിട്ട് അഞ്ചിന് പള്ളിയറക്കാവ് ദേവി ക്ഷേത്രത്തിൽ നിന്നും വിഗ്രഹഘോഷയാത്ര ആരംഭിച്ചു. തുടർന്ന് ഭദ്രദീപ പ്രകാശനം തന്ത്രി മനയറ്റാത്തില്ലത്ത് ചന്ദ്രശേഖൻ നമ്പൂതിരി നിർവഹിച്ചു. ക്ഷേത്രം മേൽശാന്തി പ്രമോദ് ഭട്ടതിരിയുടെയും,  
യജ്ഞാചാര്യൻ ഗുരുവായൂർ പെരുമ്പള്ളി നാരായണദാസ് നമ്പൂതിരിയുടെയും  
ജനപ്രതിനിധികളുടെയും, ഭക്തജനങ്ങളുടെയും സാന്നിധ്യത്തിൽ  
വി.കെ.എം ഗ്രൂപ്പ് മാനേജിംഗ് ഡയറക്‌ടർ വി.കെ. മുരളീധരൻ വഴിപാടായി നടപ്പന്തൽ സമർപ്പിച്ചു. ആഗസ്റ്റ് ഒൻപതു മുതൽ 16 വരെയാണ് സപ്‌താഹം. തന്ത്രി മനയത്താറ്റു മനയ്ക്കൽ ചന്ദ്രശേഖരൻ നമ്പൂതിരിയുടെ മുഖ്യ കാർമികത്വത്തിൽ യജ്ഞാചാര്യൻ ഗുരുവായൂർ പെരുമ്പള്ളി നാരായണദാസ് നമ്പൂതിരി സപ്താഹ യജ്ഞത്തിന് നേതൃത്വം നൽകും.  
യദുകൃഷ്ണൻ നമ്പൂതിരി, പ്രസന്ന നാരായണദാസ് എന്നിവർ സഹആചാര്യസ്ഥാനം വഹിക്കും. അമ്മയുടെ സ്‌മരണാർത്ഥം നടപ്പന്തൽ സമർപ്പിച്ച വി.കെ മുരളിധരനെ ക്ഷേത്രം ഭാരവാഹികൾ ആദരിച്ചു.