> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# പ്ലസ് വൺ വിദ്യാർത്ഥികൾക്കായി ഉന്നത വിദ്യാഭ്യാസ സെമിനാറും സ്കോളർഷിപ്പ് ടെസ്റ്റും 26-ന് വൈക്കത്ത് നടക്കും
- URL: https://www.vaikomvartha.com/seminar-vaikom/
- Published: 2026-05-24T07:58:28.000Z
- Updated: 2026-05-24T07:58:28.000Z
- Author:  Vaikom Vartha News Desk
- Tags: Latest News

വൈക്കം: പ്ലസ് വൺ ക്ലാസുകളിലേക്ക് പ്രവേശനം നേടുന്ന വിദ്യാർത്ഥികൾക്കായി 'ദി എക്സലന്റ് ഇൻസ്റ്റിറ്റ്യൂട്ട് ഫോർ മെഡിക്കൽ/എഞ്ചിനീയറിംഗ് എൻട്രൻസ് എക്സാംസ്' സംഘടിപ്പിക്കുന്ന ഉന്നത വിദ്യാഭ്യാസ സെമിനാറും സ്കോളർഷിപ്പ് ടെസ്റ്റും മേയ് 26 ചൊവ്വാഴ്ച വൈക്കത്ത് വെച്ച് നടക്കും. വൈക്കം വടക്കേനടയിലുള്ള എൻ.എസ്.എസ് ഓഡിറ്റോറിയത്തിൽ രാവിലെ 10 മണി മുതൽ ഉച്ചയ്ക്ക് 1 മണി വരെയാണ് പരിപാടി.

ഭാവി ലക്ഷ്യങ്ങൾ എങ്ങനെ കൃത്യമായി തിരഞ്ഞെടുക്കാം, പഠനമികവും ഓർമ്മശക്തിയും വർദ്ധിപ്പിക്കാനുള്ള സ്മാർട്ട് പഠനരീതികൾ, ഫലപ്രദമായ സമയക്രമീകരണം, മികച്ച വിജയം നേടുന്ന വിദ്യാർത്ഥികൾക്കുള്ള സ്കോളർഷിപ്പുകളും പ്രത്യേക അഡ്മിഷൻ ആനുകൂല്യങ്ങളും തുടങ്ങിയ വിഷയങ്ങളെക്കുറിച്ച് സെമിനാറിൽ വിദഗ്ദ്ധർ ക്ലാസുകൾ നയിക്കും.

പത്താം ക്ലാസ് സിലബസിലെ ഫിസിക്സ്, കെമിസ്ട്രി, മാത്തമാറ്റിക്സ്, ബയോളജി എന്നീ വിഷയങ്ങളെ അടിസ്ഥാനമാക്കിയാണ് സ്കോളർഷിപ്പ് ടെസ്റ്റ് നടത്തുന്നത്. പരിപാടിയിൽ പങ്കെടുക്കുന്നതിനായി രജിസ്ട്രേഷൻ ഫീസോ, അഡ്മിഷൻ ഫീസോ ഈടാക്കുന്നതല്ലെന്ന് ഭാരവാഹികൾ അറിയിച്ചു.

കൂടുതൽ വിവരങ്ങൾക്കും രജിസ്ട്രേഷനും താഴെ പറയുന്ന നമ്പറുകളിൽ ബന്ധപ്പെടാവുന്നതാണ്: ഫോൺ: 04829 222045, 99477 44552, 99614 85811,  
വാട്സാപ്പ്: 92075 14552