> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# ശ്രീനാരായണ ഗുരുദേവ പഞ്ചലോഹ വിഗ്രഹ പ്രതിഷ്ഠാ വാർഷികാഘോഷം ഭക്തി സാന്ദ്രമായി
- URL: https://www.vaikomvartha.com/shriinaaraaynn-gurudeev-pnyclooh-vigrh-prtisstthaa-vaa-ssikaaghoossn-bhkti-saandrmaayi/
- Published: 2026-01-24T16:43:53.000Z
- Updated: 2026-01-24T16:43:53.000Z
- Author:  Vaikom Vartha News Desk
- Tags: Latest News

വൈക്കം: വൈക്കം വടക്കേ ചെമ്മനത്തുകര എസ്.എൻ.ഡി.പി യോഗം1295 ശാഖ ബ്രഹ്മചൈതന്യ ക്ഷേത്രത്തിൽ 13ാമത് ശ്രീനാരായണ ഗുരുദേവ പഞ്ചലോഹ വിഗ്രഹ പ്രതിഷ്ഠാ വാർഷികാഘോഷം ഭക്തി സാന്ദ്രമായി. ക്ഷേത്രം തന്ത്രി ബ്രഹ്മശ്രീ വൈക്കത്തുശേരി സുരേഷ് തന്ത്രി ക്ഷേത്രം മേൽശാന്തി പട്ടശേരി എം.ഡി. ഷിബു ശാന്തികൾ എന്നിവരുടെ മുഖ്യകാർമികത്വത്തിലാണ് പ്രതിഷ്ഠാ വാർഷിക പൂജകൾ നടന്നത്. ശനിയാഴ്ച രാവിലെ ഗണപതി ഹോമത്തോടെയാണ് പ്രതിഷ്ഠാ വാർഷിക ചടങ്ങുകൾ ആരംഭിച്ചത്. തുടർന്ന് കലശാഭിഷേകം, ഗുരുപൂജ തുടങ്ങിയവ നടന്നു. കലശാഭിഷേകം, ഗുരുപൂജ എന്നിവയിൽ പങ്കെടുത്ത് അനുഗ്രഹം തേടി നൂറുകണക്കിന് ഭക്തരാണെത്തിയത്. ഉച്ചയ്ക്ക് നടന്ന മഹാപ്രസാദ ഊട്ടിലും ഭക്തരുടെ വലിയ പങ്കാളിത്തമുണ്ടായിരുന്നു. പ്രതിഷ്ഠാ വാർഷിക ചടങ്ങുകൾക്ക് ശാഖാപ്രസിഡൻ്റ് പുഷ്പൻ നമ്പ്യത്ത്, സെക്രട്ടറി ബ്രിജിലാൽ പി.എൽ. ലാൽഭവൻ തുടങ്ങിയവർ നേതൃത്വം നൽകി.