> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# സിൽവർ ജൂബിലി ആഘോഷവും കുടുംബസംഗമവും
- URL: https://www.vaikomvartha.com/silver-jubilee-aghosham/
- Published: 2026-05-10T14:46:04.000Z
- Updated: 2026-05-10T14:46:04.000Z
- Author:  Vaikom Vartha News Desk
- Tags: Latest News

വൈക്കം: തലയോലപറമ്പ് വടയാർ ഭൂതങ്കേരി ശ്രീധർമ്മശാസ്താ സേവാസംഘം സിൽവർ ജൂബിലി ആഘോഷവും കുടുംബസംഗമവും നടത്തി. എം.എസ്. മനോഹരൻ പ്രശാന്തിയുടെ ഭവനത്തിൽ നടന്ന സിൽവർ ജൂബിലി ആഘോഷവും കുടുംബ സംഗമവും നിയുക്ത വൈക്കം എം.എൽ.എ കെ. ബിനിമോൻ ഉദ്ഘാടനം ചെയ്തു. വൈക്കത്തിൻ്റെ വികസനത്തിനായി കൂട്ടായി പരിശ്രമിക്കാമെന്നും ജനങ്ങളും വികസന പ്രവർത്തനങ്ങളിൽ പങ്കാളികളാകണമെന്നും നിയുക്ത എം.എൽ.എ കെ. ബിനിമോൻ തെരഞ്ഞെടുക്കപ്പെട്ടശേഷം ആദ്യമായി പങ്കെടുത്ത പൊതുപരിപടിയിൽ അഭിപ്രായപ്പെട്ടു. 

![](https://storage.ghost.io/c/73/35/73353a9a-5bd9-4965-8a9f-0f7ff3ad2d79/content/images/2026/05/1000539876.jpg)

ശ്രീധർമ ശാസ്‌ത സേവാ സംഘം പ്രസിഡൻ്റ് സി.വി. ജയകുമാർ അധ്യക്ഷത വഹിച്ചു. തലയോലപറമ്പ് പഞ്ചായത്ത് പ്രസിഡൻ്റ് ജോസ് വേലിക്കകം, കടുത്തുരുത്തി ബ്ലോക്ക് പഞ്ചായത്ത് അംഗം സീതു ശശിധരൻ, പഞ്ചായത്ത് അംഗങ്ങളായ അനിത സുഭാഷ്, അമ്പിളി മായാത്മജൻ, നിർമല മാർട്ടിൻ, എം. അനിൽകുമാർ, ശ്രീധർമശാസ്‌ത സേവാ സംഘം സെക്രട്ടറി എം.ഡി. അശോകൻ, എസ്.എൻ.ഡി.പി ശാഖ പ്രസിഡൻ്റ് എം.എസ്. സനൽകുമാർ, എം.പി. സന്തോഷ്, കെ.പി. തങ്കച്ചൻ, ഇ.പി. ദിലീപ്കുമാർ തുടങ്ങിയവർ പങ്കെടുത്തു.