> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# സ്കൂളിൻ്റെ മതിൽ ഇടിഞ്ഞുവീണ് പെട്ടിക്കട തകർന്നു
- URL: https://www.vaikomvartha.com/skuulli-rre-mti-ittinynyuviinn-pettttikktt-tk-nnu/
- Published: 2026-05-11T06:54:08.000Z
- Updated: 2026-05-11T06:54:08.000Z
- Description: എസ്. സതീഷ്കുമാർ
- Author:  Vaikom Vartha News Desk
- Tags: Latest News

ഇലഞ്ഞി: കഴിഞ്ഞ ദിവസം രാത്രിയിൽ ഉണ്ടായ കനത്ത മഴയിൽ സ്കൂളിൻ്റെ മതിൽ ഇടിഞ്ഞുവീണ് ഇലഞ്ഞിയിൽ പെട്ടിക്കട തകർന്നു. ചിറക്കുഴി ഉന്നതിയിൽ താമസിക്കുന്ന കുരുന്നും കരയിൽ തോമസിന്റെ ഏക വരുമാന മാർഗ്ഗമായ പെട്ടിക്കടയാണ് പൂർണ്ണമായി തകർന്നത്. ഇലഞ്ഞി സെൻറ് ഫിലോമിനാസ് സ്കൂളിൻ്റെ മതിൽ ഇടിഞ്ഞുവീണാണ് അപകടം. ആയിരക്കണക്കിന് കുട്ടികൾ പഠിക്കുന്ന സ്കൂളിൽ വേണ്ടത്ര സുരക്ഷാ സംവിധാനങ്ങൾ പാലിക്കുന്നുണ്ടോ എന്ന് അധികൃതർ പരിശോധിക്കണമെന്നും, പഞ്ചായത്ത് സ്കൂൾ അധികൃതരുമായി ബന്ധപ്പെട്ട് തോമസിന്റെ കട പുനർനിർമ്മിച്ച് നഷ്ടപരിഹാരം നൽകണമെന്നുമാണ് ആവശ്യം. കാലവർഷത്തിനു മുന്നോടിയായി അപകടാവസ്ഥയിലുള്ള മതിലുകളും നിർമ്മിതികളും നീക്കി അപകടാവസ്ഥ ഒഴിവാക്കണമെന്നും ഭാരതീയ ജനതാ പാർട്ടി ഇലഞ്ഞി പഞ്ചായത്ത് കമ്മിറ്റി ആവശ്യപ്പെട്ടു. പഞ്ചായത്ത് കമ്മിറ്റി ജനറൽ സെക്രട്ടറി അജിമലയിലിൻ്റെ നേതൃത്വത്തിൽ കർഷക മോർച്ച എറണാകുളം ജില്ലാ വൈസ് പ്രസിഡൻറ് രാജേഷ് മരങ്ങാട്ട്, സി.ഡി അശോകൻ, എസ്. സുധീഷ്കുമാർ, പി.എം. രാമൻകുട്ടി തുടങ്ങിയവർ സംഭവസ്ഥലം സന്ദർശിച്ചു.