> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# സമര പ്രചാരണ ജാഥയ്ക്ക് സ്വീകരണം നൽകി
- URL: https://www.vaikomvartha.com/smr-prcaarnn-jaathykk-sviikrnnn-n-ki/
- Published: 2026-01-29T14:27:23.000Z
- Updated: 2026-01-29T14:48:27.000Z
- Author:  Vaikom Vartha News Desk
- Tags: Latest News

തലയോലപ്പറമ്പ്: സഹകരണ പെൻഷൻകാരോടുള്ള സർക്കാർ അവഗണനയിൽ പ്രതിഷേധിച്ച് സെക്രട്ടറിയേറ്റ് നടയിൽ നടത്തുന്ന ധർണ്ണയ്ക്കും അനിശ്ചിതകാല നിരാഹാര സത്യാഗ്രഹത്തിനും മുന്നോടിയായി കേരളാ കോ-ഓപ്പറേറ്റീവ് സർവ്വിസ് പെൻഷനേഴ്സ് അസോസിയേഷൻ നടത്തുന്ന സമര പ്രചരണ ജാഥക്ക് തലയോലപ്പറമ്പിൽ സ്വീകരണം നൽകി. 

0:00 

/0:52 

1× 

സംസ്ഥാന പ്രസിഡന്റ്‌ എം. സുകുമാരൻ ക്യാപ്റ്റനും സംസ്ഥാന ട്രഷറര്‍ കെ.എം. തോമസ് മാനേജരുമായ തെക്കൻ മേഖല ജാഥയാണ് തലയോലപ്പറമ്പിൽ എത്തിയത്. സ്വീകരണ സമ്മേളനം എ.ഐ.ടി.യു.സി. ജില്ലാ സെക്രട്ടറി ജോൺ വി. ജോസഫ് ഉദ്ഘാടനം ചെയ്തു. 2021 ൽ നിർത്തലാക്കിയ ക്ഷേമാശ്വാസം പുനഃസ്ഥാപിക്കുക, പെൻഷൻ പരിഷ്ക്കരണം നടപ്പിലാക്കുക, പതിനഞ്ച് ശതമാനം ഇടക്കലാശ്വാസം അനുവദിക്കുക, മെഡിക്കൽ ഇൻഷുറൻസ് നടപ്പിലാക്കുക, പെൻഷൻ പരിധി വർധിപ്പിക്കുക തുടങ്ങിയ ആവശ്യങ്ങൾ ഉന്നയിച്ച് ഫെബ്രുവരി 9 മുതൽ 18 വരെ സെക്രട്ടറിയേറ്റ് നടയിൽ സത്യാഗ്രഹവും ഫെബ്രുവരി 23 മുതൽ സംഘടന അനശ്ചിതകാല നിരാഹാര സമരവും നടത്തുന്നത്. ജാഥക്ക് നൽകിയ സ്വീകരണത്തിൽ സി.ഐ.ടി.യു ജില്ലാ വൈസ് പ്രസിഡന്റ് കെ.കെ. രമേശൻ, കെ.ടി.യു.സി. സംസ്ഥാന പ്രസിഡന്റ് ജോസ് പുത്തൻകാല എന്നിവരും വിവിധ സർവ്വീസ് സംഘടന നേതാക്കളും പ്രസംഗിച്ചു.