> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# സ്‌നേഹസ്പർശം ഇൻക്ലൂസീവ് കെയർ ഹബ്ബ് ഉദ്ഘാടനം 30 ന്
- URL: https://www.vaikomvartha.com/sneehsp-shn-i-kluusiiv-key-hbb-udghaattnn-30-n/
- Published: 2026-05-28T15:10:43.000Z
- Updated: 2026-05-28T15:10:43.000Z
- Author:  Vaikom Vartha News Desk
- Tags: Latest News

തലയോലപറമ്പ്: ശാരീരിക മാനസിക വെല്ലുവിളികൾ നേരിടുന്ന കുട്ടികളെ സമൂഹത്തിന്റെ മുഖ്യധാരയിലെത്തിച്ച് അവർക്ക് തുല്യനീതിയും അവസരങ്ങളും ഉറപ്പാക്കാൻ ലക്ഷ്യമിട്ട് ഒരുക്കുന്ന സ്‌നേഹസ്പർശം ഇൻക്ലൂസീവ് കെയർ ഹബ്ബ് പ്രവർത്തന സജ്ജമായി. തലയോലപറമ്പ് മുഹമ്മദ് ബഷീർ സ്മാരക സ്‌കൂൾ വളപ്പിൽ പ്രവർത്തിക്കുന്ന  
വൈക്കം ബിആർസിയോടുചേർന്ന് കരിപ്പാടം ആർബീ കെയർ ഫൗണ്ടേഷൻ ചെയർമാൻ പി.കെ.രാജു പുല്ലുവേലിലാണ്65ലക്ഷം രൂപ വിനിയോഗിച്ച് 2700ചതുരശ്രഅടി വിസ്‌തൃതിയിൽ അത്യാധുനിക സൗകര്യങ്ങളോട സ്‌നേഹ സ്പർശം ഇൻക്ലൂസീവ് കെയർ ഹബ്ബ് നിർമിച്ചത്. 30ന് വൈകുന്നേരം നാലിന് തലയോലപറമ്പ് വൈക്കം മുഹമ്മദ്‌ ബഷീർ സ്മാരക ഗവണ്മെന്റ് വോക്കേഷണൽ ഹയർ സെക്കന്ററി സ്കൂൾ ഓഡിറ്റോറിയത്തിൽ നടക്കുന്ന യോഗത്തിൽ  
സ്‌നേഹ സ്പർശം ഇൻക്ലൂസീവ് കെയർ ഹബ്ബ് ആർബീ കെയർ ഫൗണ്ടേഷൻ ചെയർമാൻ പി.കെ.രാജുപുല്ലുവേലിൽ നാടിന് സമർപ്പിക്കും. തുടർന്ന്സ്‌നേഹ സ്പർശം ഇൻക്ലൂസീവ് കെയർ ഹബ്ബിൻ്റെ പ്രവർത്തനോദ്ഘാടനം ജലവിഭവ-ഭവന നിർമാണ വകുപ്പ് മന്ത്രി മോൻസ് ജോസഫ് നിർവഹിക്കും. കെ.ബിനിമോൻ എം എൽ എ അധ്യക്ഷത വഹിക്കും.  
മൾട്ടി സെൻസറി പാർക്കിൻ്റെ ഉദ്ഘാടനം പഞ്ചായത്ത് പ്രസിഡൻറ് ജോസ് വേലിക്കകവും ഒക്യുപേഷണൽ തെറാപ്പി പാർക്ക് ഉദ്ഘാടനം കടുത്തുരുത്തി ബ്ലോക്ക് പഞ്ചായത്ത് പ്രസിഡൻ്റ് തങ്കമ്മ വർഗീസും നിർവഹിക്കും.  
ത്രിതല പഞ്ചായത്ത് അംഗങ്ങൾ തുടങ്ങിയവർ പങ്കെടുക്കും.  
ജീവകാരുണ്യ പ്രവർത്തനങ്ങളിൽ സജീവമായ  
കരിപ്പാടം ആർബീ കെയർ ഫൗണ്ടേഷൻ തലയോലപ്പറമ്പ്,വെളളൂർ, മറവൻതുരുത്ത്,ചെമ്പ് പഞ്ചായത്തുകളിലെ നിർധനരായ രോഗികൾക്ക് മരുന്നുകൾ,വൃക്ക രോഗികൾക്കുള്ള ഡയാലിസിസ് കിറ്റ് എന്നിവയും നൽകിവരുന്നു.  
പ്രാദേശിക പരിഗണനയില്ലാതെ വയോജനങ്ങൾക്ക് വിശ്രമിക്കുന്നതിനും ഭക്ഷണം പാകം ചെയ്തു കഴിക്കുന്നതിനുമൊക്കെയായി പൊതു ഇടമായി ഒരുപകൽവീടും ഒരുക്കിയിട്ടുണ്ട്.