> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# സംയുക്ത എച്ച്.എം.സി യോഗം
- URL: https://www.vaikomvartha.com/snyukt-ecc-en-si-yoogn/
- Published: 2026-05-19T13:46:27.000Z
- Updated: 2026-05-19T13:46:27.000Z
- Author:  Vaikom Vartha News Desk
- Tags: Latest News

വൈക്കം: ചാലപ്പറമ്പ് ഹോമിയോ സെൻ്റർ പ്രവർത്തിക്കുന്ന എം.സി.എച്ചിൻ്റെ സ്ഥലത്തിനോടു ചേർന്ന് ഹോമിയോ ആശുപത്രി കെട്ടിടം നിർമ്മിക്കുന്നതിനു വേണ്ടിയുള്ള ശുപാർശകൾ കൗൺസിലിലേക്ക് സമർപ്പിക്കുമെന്ന് വൈക്കം നഗരസഭാ ചെയർമാൻ അബ്ദുൾ സലാം റാവുത്തർ. കൗൺസിൽ തീരുമാനം അനുസരിച്ചാവും തുടർനടപടികൾ. വൈക്കം നഗരസഭയുടെ കീഴിൽ പ്രവർത്തിക്കുന്ന രണ്ട് ഹോമിയോ ഡിസ്പെൻസറികളുടെ സംയുക്ത എച്ച്.എം.സി യോഗത്തിലാണ് അബ്ദുൾസലാം റാവുത്തർ ഈ വിവരം അറിയിച്ചത്. നഗരസഭാ ചെയർമാൻ്റെ അധ്യക്ഷതയിൽ തെക്കെനട ഹോമിയോ സെൻ്ററിൽ നടന്ന യോഗത്തിൽ ഡിസ്പൻസറികളിൽ സൗകര്യങ്ങൾ കൂടുതൽ മെച്ചപ്പെടുത്താനും തീരുമാനിച്ചു. ഓരോ ദിവസവും നൂറുകണക്കിന് ആളുകൾ ചികിത്സ തേടി എത്തുന്നത്. യോഗത്തിൽ വൈസ് ചെയർപേഴ്സൺ സൗദാമിനി അഭിലാഷ്, മരാമത്ത് സ്റ്റാൻ്റിംഗ് കമ്മറ്റി ചെയർമാൻ ഗിരിജാകുമാരി, നഗരസഭാ അംഗങ്ങളായ വി. അനൂപ്, അനിൽ, ആർ. അനീഷ്, നഗരസഭാ സെക്രട്ടറി രഞ്ജിത്ത് പി. നായർ, മെഡിക്കൽ ഓഫീസർമാരായ ഡോ. സി. രഞ്ജിനി, ഡോ. വീണാകുമാരി എന്നിവരും പങ്കെടുത്തു.