> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# ശ്രവണ സഹായി വിതരണം ചെയ്തു
- URL: https://www.vaikomvartha.com/sravanasahayi-vitharanam/
- Published: 2026-05-16T14:24:55.000Z
- Updated: 2026-05-16T14:24:55.000Z
- Author:  Vaikom Vartha News Desk
- Tags: Latest News

വൈക്കം: ഉദയനാപുരം പഞ്ചായത്തിന്റെ പദ്ധതിയിൽ വയോജനങ്ങൾക്ക് കേൾവി പരിശോധന ക്യാമ്പും ശ്രവണ സഹായി വിതരണവും നടന്നു. ഉദയനാപുരം പഞ്ചായത്ത് വയോജനങ്ങളുടെ കേൾവി ശക്തി പരിശോധിക്കുന്നതിനായാണ് പ്രത്യേക മെഡിക്കൽ ക്യാമ്പ് നടത്തിയത്. ക്യാമ്പിൽ ശ്രവണ സഹായിയും വിതരണം ചെയ്തു. വയോജന സംരക്ഷണത്തിനു വേണ്ടി പഞ്ചായത്ത് തയ്യാറാക്കിയിട്ടുള്ള വിവിധ പദ്ധതികളുടെ ഭാഗമായാണ് ശ്രവണ സഹായികൾ നൽകിയത്. പഞ്ചായത്ത് പ്രസിഡൻ്റ് കെ.ജി. രാജു ക്യാമ്പ് ഉദ്ഘാടനം ചെയ്തു. പഞ്ചായത്ത് വൈസ് പ്രസിഡൻ്റ് ബിന്ദു അനിൽകുമാർ, സ്റ്റാൻഡിംഗ് കമ്മറ്റി ചെയർമാൻമാരായ അജിതാ മധുകുട്ടൻ, ജസീനാ ഷാജുദ്ദീൻ, കെ ദീപേഷ്, പഞ്ചായത്ത് അംഗങ്ങളായ അഭിജിത്ത് ചായപ്പള്ളി, ആജിഷാ ഉദയകുമാർ, ടി.പി രാജലക്ഷ്മി, ഐ.സി.ഡി എസ്സ് സൂപ്പർവൈസർ സുചിത്ര തുടങ്ങിയവർ ക്യാമ്പിന് നേതൃത്വം നൽകി.