> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# ശ്രീനാരായണ സ്കോളർഷിപ്പ്: വൈക്കം യൂണിയനിൽ ഗൗരീനന്ദയ്ക്കും ശിവലക്ഷ്മിക്കും ഒന്നാം റാങ്ക്; നന്ദനയ്ക്ക് മൂന്നാം റാങ്ക്
- URL: https://www.vaikomvartha.com/sreenarayana-scholarship/
- Published: 2026-05-23T13:34:53.000Z
- Updated: 2026-05-23T13:34:53.000Z
- Author:  Vaikom Vartha News Desk
- Tags: Latest News

വൈക്കം: എസ്.എൻ.ഡി.പി യോഗം വൈക്കം യൂണിയനും ശ്രീനാരായണ പെൻഷനേഴ്സ് കൗൺസിലും ചേർന്ന് നടത്തിയ ശ്രീനാരായണ സ്കോളർഷിപ്പ് പരീക്ഷയിൽ 6-ാം ക്ലാസ് വിഭാഗത്തിൽ ഗൗരീനന്ദ.എ ഒന്നാം റാങ്കും 9-ാം ക്ലാസ് വിഭാഗത്തിൽ ശിവലക്ഷ്മി.എസ് ഒന്നാം റാങ്കും 10-ാം ക്ലാസ് വിഭാഗത്തിൽ നന്ദന.എസ് മൂന്നാം റാങ്കും കരസ്ഥമാക്കി. നക്ഷത്ര. ആർ.പാണി, ആര്യശ്രീ. ബി, സാംജിത്ത് ബൈജു, ശിവഹിത കൃഷ്ണ, കാർത്തിക് കലേഷ്, ശ്രീദർശൻ. എസ്, ശ്രീനന്ദ. എസ്, ഗൗരീകൃഷ്ണ. ബി, ശ്രീനന്ദ സജീവ്, ശ്രീഹരി സജീവ് എന്നിവർ ശ്രീനാരായണ സ്കോളർഷിപ്പിന് അർഹത നേടി. സ്കോളർഷിപ്പ് തുകയും സർട്ടിഫിക്കറ്റും എസ്.എൻ.ഡി.പി യോഗം ജനറൽ സെക്രട്ടറി വെള്ളാപ്പള്ളി നടേശൻ 27ന് കണിച്ചുകുളങ്ങരയിൽ നടക്കുന്ന ചടങ്ങിൽ രാവിലെ 10ന് നൽകുമെന്ന് പെൻഷനേഴ്സ് കൗൺസിൽ യൂണിയൻ ഭാരവാഹികളായ വി.എൻ. ഗോപകുമാർ, ആർ. മനോജ്, കെ.എസ്. ബൈജു എന്നിവർ അറിയിച്ചു.