> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# ലോക പരിസ്ഥിതി ദിനാചരണത്തോടനുബന്ധിച്ച് കർഷകരുടെ കട ആരംഭിച്ച് ടി.വി.പുരം ഗ്രാമ ശാസ്ത്ര സമിതി
- URL: https://www.vaikomvartha.com/t-v-puram/
- Published: 2026-06-05T13:41:49.000Z
- Updated: 2026-06-05T14:15:50.000Z
- Author:  Vaikom Vartha News Desk
- Tags: Latest News

ടി.വി. പുരം: കർഷകരുടെ ഉൽപ്പന്നങ്ങൾ ഇടനിലക്കാരില്ലാതെ നേരിട്ട് ആവശ്യക്കാരിലേക്കെത്തിക്കുക എന്ന ഉദ്ദേശത്തോടെ കർഷകരുടെ കൂട്ടായ്മയിൽ ഗ്രാമശാസ്ത്ര സമിതിയുടെ നേതൃത്വത്തിൽ ടി.വി.പുരം കവലക്കു സമീപം കർഷകരുടെ കട ആരംഭിച്ചു. വിഷരഹിതമായ പച്ചക്കറികൾ, ഗുണനിലവാരമുള്ള കറി പൗസറുകൾ, വിവിധതരം അച്ചാറുകൾ, അത്യുൽപ്പാദന ശേഷിയുള്ള ഫലവൃക്ഷത്തെകൾ, പച്ചക്കറി വിത്തുകൾ തുടങ്ങി കർഷകർ ഉത്പ്പാദിപ്പികുന്ന വിവിധ ഉൽപ്പന്നങ്ങൾ ഇവിടെ നിന്നും ആവിശ്യാനുസരണം ലഭ്യമാണ്. ടി.വി.പുരം ഗ്രാമപഞ്ചായത്തംഗം എസ്. ശരത്ത് അധ്യക്ഷത വഹിച്ച യോഗത്തിൽ ഗ്രാമ ശാസ്ത്ര സമിതി ചെയർ പേർസനും മുൻ അഗ്രിക്കൾച്ചർ ജോയിൻ്റ് ഡയക്ടറും ആയിരുന്ന മീന നായർ വൃക്ഷ തൈ നൽകി കർഷകരുടെ കടയുടെ ഉദ്ഘാടനം നിർവ്വഹിച്ചു. ടി.വി.പുരം ഗ്രാമപഞ്ചായത് മുൻ പ്രസിഡൻ്റ് ആർ. ചന്ദ്രസേനൻ വൃക്ഷതൈ ഏറ്റുവാങ്ങി.

![](https://storage.ghost.io/c/73/35/73353a9a-5bd9-4965-8a9f-0f7ff3ad2d79/content/images/2026/06/1000566136-13.jpg)

മുൻ ഗ്രാമ പഞ്ചായത്ത് പ്രസിഡൻ്റ് ശ്രീരേഖാ സുധീരൻ, കേരള ശാസ്ത്ര സാഹിത്യ പരിഷത്ത് ജില്ല വൈസ് പ്രസിഡൻ്റ് ആർ. രാജേഷ്, സാമൂഹിക പ്രവർത്തകൻ സാംജി പുത്തൻ പുരക്കൽ, ശാസ്ത്രസമിതി ട്രഷറർ വി.വി. പ്രമോദ്, ജോയിൻ്റ് സെക്രട്ട്ടറിമാരായ അമൃതനാഥ്, ആൻസി ബേബി തുടങ്ങിയവർ സംസാരിച്ചു.