> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# തെരുവുനായ്ക്കൾ ആടിനെ കടിച്ചു കൊന്നു
- URL: https://www.vaikomvartha.com/teruvunaykkal-adine-kadichukonnu/
- Published: 2026-05-14T13:02:06.000Z
- Updated: 2026-05-14T13:02:06.000Z
- Author:  Vaikom Vartha News Desk
- Tags: Latest News

ഇടവട്ടം: കൂട്ടം കൂടിയെത്തിയ തെരുവുനായ്ക്കൾ പറമ്പിൽ കെട്ടിയിട്ടിരുന്ന ആടിനെ കടിച്ചു കൊന്നു.  
ഇടവട്ടം കോമ്പടവിൽ സുധീനയുടെ അഞ്ചു വയസ് പ്രായമുള്ള പെണ്ണാടാണ് ചത്തത്. വ്യാഴാഴ്ച ഉച്ചകഴിഞ്ഞ് രണ്ടുമണിയോടെയാണു സംഭവം.  
രണ്ടാഴ്ചകൾക്കു മുൻപ് ഇതിൻ്റെ കുഞ്ഞിനെയും തെരുവുനായ്ക്കൾ കടിച്ചു കൊന്നിരുന്നു. വീടിനു സമീപത്തെ പാടശേഖരത്തിൽ മൂന്ന് ആടുകളെയാണ് കെട്ടിയിരുന്നത്. തെരുവുനായ്ക്കളുടെ ആക്രമണത്തിൽ രണ്ടാടുകൾ കയറു പൊട്ടിച്ചോടി സമീപത്തുള്ള അരങ്കത്താനത്ത് അജയൻ്റെ വീട്ടിലെത്തിയതിനെ തുടർന്നാണ് വീട്ടുകാർ വിവരം അറിയുന്നത്. ആടുവളർത്തൽ ഉപജീവന മാർഗ്ഗമാക്കിയ സുധീന യുടെ12 ആടുകളിൽ രണ്ടെണ്ണമാണ് അടുത്തടുത്ത ദിവസങ്ങളിലായി തെരുവുനായ്ക്കളുടെ ആക്രമണത്തിൽ ചത്തത്. ഇടവട്ടം പ്രദേശങ്ങളിൽ തെരുവുനായ്ക്കളുടെ ശല്യം രൂക്ഷമാണെന്നും അടിയന്തിരമായി പഞ്ചായത്ത് നടപടി സ്വീകരിക്കണമെന്നും തേരേയ്ക്കൽ ടി.എസ് താജു ആവശ്യപ്പെട്ടു.