> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# താലൂക്കാശുപത്രിയുടെ പ്രവർത്തനം കൂടുതൽ മെച്ചപ്പെടുത്തും: കെ. ബിനിമോൻ
- URL: https://www.vaikomvartha.com/thaluk-hospital-k-binimon/
- Published: 2026-05-20T09:39:23.000Z
- Updated: 2026-05-20T09:39:23.000Z
- Description: എസ്. സതീഷ്കുമാർ
- Author:  Vaikom Vartha News Desk
- Tags: Latest News

വൈക്കം: താലൂക്കാശുപത്രിയുടെ പ്രവർത്തനം കൂടുതൽ മെച്ചപ്പെടുത്താൻ വേണ്ട നടപടി സ്വീകരിക്കുമെന്ന് വൈക്കത്തെ നിയുക്ത എം.എൽ.എ .കെ. ബിനിമോൻ. വൈക്കം താലൂക്കാശുപത്രിയുടെ എച്ച്.എം.സി യോഗത്തിൽ പങ്കെടുത്ത് സംസാരിക്കുകയായിരുന്നു ബിനിമോൻ. 

![](https://storage.ghost.io/c/73/35/73353a9a-5bd9-4965-8a9f-0f7ff3ad2d79/content/images/2026/05/1000552077.jpg)

നിയുക്ത എം.എൽ.എയെ നഗരസഭാ ചെയർപേഴ്സൺ അബ്ദുൾ സലാം റാവുത്തറും ആശുപത്രി സൂപ്രണ്ട് ട്വിങ്കിൾ പ്രഭാകറും ചേർന്ന് സ്വീകരിച്ചു. ആൻ്റിബയോട്ടിക് ഔഷധങ്ങളുടെ ഉപയോഗം പരമാവധി കുറയ്ക്കണമെന്നും ലോകാരോഗ്യ സംഘടനയുടെ നിർദ്ദേശങ്ങൾ ജനങ്ങളിൽ എത്തിക്കുന്നതിനുള്ള ബോധവത്ക്കരണ പരിപാടികൾ സംഘടിപ്പിക്കണമെന്നും, എച്ച്.എം.സി യുടെ സഹായത്തോടെ  
ആൻ്റീബയോട്ടിക്കുകൾ ഉപയോഗിക്കുന്നതു വഴി ശരീരത്തിൻ്റെ രോഗപ്രതിരോധശേഷി കുറയുകയാണെന്നുള്ള യാഥാർത്ഥ്യം അവർക്ക് മനസിലാക്കിക്കൊടുക്കണമെന്നും ഡോ. വിനോദ് പറഞ്ഞു. നഗരസഭാ മുനിസിപ്പൽ ചെയർമാൻ അബ്ദുൾ സലാം റാവുത്തറുടെ അധ്യക്ഷതയിൽ നടന്ന യോഗം കെ. ബിനിമോൻ ഉദ്ഘാടനം ചെയ്തു. നഗരസഭ വൈസ് ചെയർപേഴ്സൺ സൗദാമിനി അഭിലാഷ്, പൊതുമരാമത്ത് സ്റ്റാൻ്റിംഗ് കമ്മറ്റി ചെയർമാൻ ഗിരിജാകുമാരി, കൗൺസിലർ ഹരിദാസൻ നായർ, സൂപ്രണ്ട് ഡോ. ട്വിങ്കിൾ പ്രഭാകരൻ, ആർ.എം.ഒ ഡോ. ബിജു ഫിലിപ്പ്, കെ.പി. ശിവജി, മുനിസിപ്പൽ സൂപ്രണ്ട് പ്രശാന്ത്, എൻജിനീയർ മഞ്ജു, തുടങ്ങിയവർ സംസാരിച്ചു. ആശുപത്രി വരവു ചെലവ് കണക്കുകളും യോഗത്തിൽ അവതരിപ്പിച്ചു.