> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# ഇടയാഴം സെന്റ് ജോസഫ് ദേവാലയത്തില്‍ തിരുന്നാളിന് കൊടിയേറി
- URL: https://www.vaikomvartha.com/thirunal-kodiyeri/
- Published: 2026-04-28T14:17:54.000Z
- Updated: 2026-04-28T14:17:54.000Z
- Author:  Vaikom Vartha News Desk
- Tags: Latest News

വൈക്കം: ഇടയാഴം സെന്റ് ജോസഫ് ദേവാലയത്തില്‍ തൊഴിലാളി മധ്യസ്ഥനായ വിശുദ്ധ യൗസേപ്പ് പിതാവിന്റെ തിരുന്നാളിന് ചൊവ്വാഴ്ച്ച വൈകിട്ട് വികാരി ഫാദര്‍ എബ്രഹാം മുകാലയില്‍ കൊടിയേറ്റി. അല്‍ത്താരയില്‍ വെച്ച് വെഞ്ചിരിച്ച കൊടിക്കൂറ വിശ്വാസികള്‍ പ്രതിക്ഷണമായി കൊടിമര ചുവട്ടിലേക്ക് എഴുന്നള്ളിച്ചു. നൈറോബി ധ്യാനകേന്ദ്രം ഡയറക്ടര്‍ ഫാദര്‍ ആന്റോ ചിറപ്പമ്പില്‍ സഹകാര്‍മികനായിരുന്നു. ഇടവകയിലെ പത്തൊന്‍മ്പത് കുടുംബാഗങ്ങള്‍ ചേര്‍ന്നാണ് ഈ വര്‍ഷത്തെ തിരുന്നാള്‍ ആഘോഷിക്കുന്നത്. ബുധനാഴ്ച്ച ആരാധനാദിനമായി ആചരിക്കും. ഫാദര്‍ പ്രവീണ്‍ മാത്താവീട്, ഫാദര്‍ ആന്റണി പയ്യപ്പള്ളി, എന്നിവര്‍ വിശുദ്ധകുര്‍ബാന അര്‍പ്പിക്കും. വൈകിട്ട് 5.30ന് ദിവ്യകാരുണ്യ പ്രദക്ഷണത്തിന് ഫൊറൊന പള്ളി വികാരി ഫാദര്‍ ബെര്‍ക്കുമാന്‍സ് കൊടക്കല്‍ മുഖ്യ കാര്‍മികനാകും. തുടര്‍ന്ന് സ്‌നേഹവിരുന്നും നടത്തും. വ്യാഴാഴ്ച്ച വേസ്പരദിനം ആചരിക്കും. ഫാദര്‍ റോബിന്‍ ചിറ്റുപ്പറമ്പില്‍, ഫാദര്‍ ആന്റണി മംഗലത്ത്, ഫാദര്‍ ജിബിന്‍ ഷാജി, എന്നിവര്‍ മുഖ്യ കാര്‍മികരാകും. വെള്ളിയാഴ്ച്ച തിരുന്നാള്‍ ആഘോഷിക്കും. വൈകിട്ട് 5ന് നടക്കുന്ന തിരുന്നാള്‍ പാട്ടുകുര്‍ബാനക്ക് ഫാദര്‍ ജോഷി കളപ്പറമ്പത്ത്, ഫാദര്‍ ഷാജി തുമ്പേച്ചിറയില്‍, എന്നിവര്‍ മുഖ്യ കാര്‍മികരാകും. തുടര്‍ന്ന് തിരുന്നാള്‍ പ്രദിക്ഷണം നടത്തും.