> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# ഇടയാഴം സെന്റ് ജോസഫ് ദേവാലയത്തില്‍ തിരുന്നാള്‍ കൊടിയേറ്റ് നാളെ
- URL: https://www.vaikomvartha.com/thirunal-kodiyettu-nale/
- Published: 2026-04-27T13:36:24.000Z
- Updated: 2026-04-27T13:36:24.000Z
- Author:  Vaikom Vartha News Desk
- Tags: Latest News

വൈക്കം: ഇടയാഴം സെന്റ് ജോസഫ് ദേവാലയത്തിലെ വിശുദ്ധ യൗസേപ്പ് പിതാവിന്റെ തിരുന്നാള്‍ 28 മുതല്‍ മെയ്യ് 1 വരെ ആഘോഷിക്കും. ഇടവകയിലെ 19 കുടുംബങ്ങള്‍ ചേര്‍ന്നാണ് ഈ വര്‍ഷത്തെ തിരുന്നാള്‍ ആഘോഷിക്കുന്നത്. തിരുന്നാളിന് മുന്നോടിയായുള്ള തിരുന്നാള്‍ ഒരുക്കധ്യാനം 19ന് തുടങ്ങി. തിരുന്നാളിന്റെ കൊടിയേറ്റ് 28ന് വൈകിട്ട് 5.30ന് വികാരി ഫാദര്‍ എബ്രഹാം മുകാലയില്‍ നിര്‍വഹിക്കും. നൈറോബി ധ്യാനകേന്ദ്രം ഡയറക്ടര്‍ ഫാദര്‍ ആന്റോ ചിരപ്പറമ്പില്‍ വിശുദ്ധ കുർബാന അര്‍പ്പിക്കും. 29ന് ആരാധനാദിനം ആചരിക്കും. രാവിലെ 6.30ന് ഫാദര്‍ പ്രവീണ്‍ മാത്താവീട് ദിവ്യബലി അര്‍പ്പിക്കും. വൈകിട്ട് 5.30ന് നടക്കുന്ന പൊതുആരാധനയുടെ ചടങ്ങുകള്‍ക്ക് തോട്ടകം ധ്യാനകേന്ദ്രം ഡയറക്ടര്‍ ഫാദര്‍ ആന്റണി പയ്യപ്പള്ളി കാര്‍മികത്വം വഹിക്കും. ഫൊറൊന പള്ളി വികാരി ഫാദര്‍ ബെര്‍ക്കുമന്‍സ് കൊടയ്ക്കല്‍ മുഖ്യ കാര്‍മികനാകും. വൈകിട്ട് സ്‌നേഹവിരുന്ന് നടക്കും. 30ന് വേസ്പരദിനം ആചരിക്കും. വൈകിട്ട് 4ന് രൂപം എഴുന്നള്ളിപ്പ്. തുടര്‍ന്ന് നടക്കുന്ന പാട്ടുകുര്‍ബാനക്ക് ഫാദര്‍ റോബിന്‍ ചീറ്റുപറമ്പില്‍ കാര്‍മികനാകും. ഫാദര്‍ ആന്റണി മംഗലത്ത്, ഫാദര്‍ ജിബിന്‍ ഷാജി, എന്നിവര്‍ വേസ്പര ചടങ്ങുകള്‍ക്ക് മുഖ്യ കാര്‍മ്മികരാകും. തുടര്‍ന്ന് പ്രദിക്ഷണം, ദിവ്യകാരുണ്യ ആശിര്‍വാദം എന്നിവ നടക്കും. മെയ്യ് 1ന് തിരുന്നാള്‍ ആഘോഷിക്കും. വൈകിട്ട് 5ന് നടക്കുന്ന തിരുന്നാള്‍ പാട്ടുകുര്‍ബാനക്ക് ഫാദര്‍ ജോഷി കളപ്പറമ്പത്ത്, ഫാദര്‍ ഷാജി തുമ്പേച്ചിറയില്‍, എന്നിവര്‍ മുഖ്യ കാര്‍മ്മികരാകും. തുടര്‍ന്ന് വിശുദ്ധന്റെ തിരുസ്വരൂപം തിരുന്നാള്‍ പ്രദിക്ഷണത്തില്‍ എഴുന്നള്ളിക്കും. മെയ്യ് 2ന് മരിച്ചവരുടെ ഓര്‍മദിനം ആചരിക്കും.