> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# തലയോലപ്പറമ്പ് വടകരയിൽ റോഡിൻ്റെ കൽക്കെട്ട് തകർന്നു വീണു
- URL: https://www.vaikomvartha.com/tlyoolpprrmp-vttkryi-rrooddi-rre-k-kketttt-tk-nnu-viinnu/
- Published: 2026-08-02T09:23:47.000Z
- Updated: 2026-08-02T09:23:47.000Z
- Description: എസ്. സതീഷ്കുമാർ
- Author:  Vaikom Vartha News Desk
- Tags: Latest News

തലയോലപ്പറമ്പ്: തലയോലപ്പറമ്പ്- എറണാകുളം റോഡിൽ വടകരയിൽ റോഡ് കൽക്കെട്ടോടെ ഇടിഞ്ഞു മൂന്ന് മീറ്ററോളം താഴേക്ക് പതിച്ചു. റോഡിൻ്റെ കൽക്കെട്ട് ഇടിഞ്ഞു വീണതിന് ചേർന്നുളള വീട്ടിലെ കിണറും അപകടാവസ്ഥയിലാണ്. 

വെട്ടിക്കാട്ടുമുക്ക് ഗുരുമന്ദിരത്തിന് സമീപം വടകര അമ്മംകുന്ന് ദേവരാജൻ്റെ വീടിൻ്റെ മുകൾ ഭാഗത്താണ് റോഡ് അരികിലെ കൽക്കെട്ട് ഇടിഞ്ഞ് വീണത്. 46വർഷം മുമ്പ് സിമൻ്റില്ലാതെ പി.ഡബ്ല്യു.ഡി നിർമ്മിച്ച കൽക്കെട്ടാണ് തകർന്നത്. 

![](https://storage.ghost.io/c/73/35/73353a9a-5bd9-4965-8a9f-0f7ff3ad2d79/content/images/2026/08/1000616255-6.jpg)

കനത്ത മഴയെ തുടർന്ന് വെള്ളമൊഴുകി കൽക്കെട്ടിൻ്റെ ഒരു ഭാഗം മൂന്ന് മീറ്റർ താഴ്ച്ചയിലുള്ള വീടിൻ്റെ കിണർ സ്ഥിതിചെയ്യുന്ന ഭാഗത്തേക്ക് പതിക്കുകയായിരുന്നു. കൽക്കെട്ട് തകർന്നതോടെ റോഡ് ഇടിയാനുള്ള സാധ്യത അപകട ഭീതി ഉയർത്തുകയാണ്. വാഹനങ്ങൾ അപകടപ്പെടാതിരിക്കാൻ തലയോലപറമ്പ് എസ്.ഐ പി.എസ്. സുധീരൻ്റെ നേതൃത്വത്തിൽ പോലീസ് എത്തി അപകട മുന്നറിയിപ്പ് ഏർപ്പെടുത്തിയാണ് ഭാഗീകമായി വാഹനങ്ങൾ കടത്തിവിടുന്നത്.  
ഭാരവണ്ടികളടക്കം പോകുന്ന തിരക്കേറിയ റോഡാണിലാണ് ഈ അപകട സ്ഥിതി. മഴ കനത്താൽ സ്ഥിതി രൂക്ഷമാകും അപകടമൊഴിവാക്കാൻ റോഡിൻ്റെ സംരക്ഷണ ഭിത്തിയും തകർന്ന റോഡിൻ്റെ ഭാഗവും പുനർ നിർമ്മിച്ച് കുറ്റമറ്റതാക്കി ഗതാഗതം സുരക്ഷിതമാക്കണമെന്നാണ് ആവശ്യം ഉയരുന്നത്.