> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# തൃപ്പൂണിത്തുറയിൽ അഞ്ജലി നായർക്ക് തിരിച്ചടി; വോട്ടിംഗ് യന്ത്രത്തിൽ പേര് മാറ്റില്ല
- URL: https://www.vaikomvartha.com/tripunithura-nda-election/
- Published: 2026-04-04T14:12:42.000Z
- Updated: 2026-04-04T14:12:42.000Z
- Author:  Vaikom Vartha News Desk
- Tags: Latest News, Election 2026

തൃപ്പൂണിത്തുറ: തൃപ്പൂണിത്തുറയിലെ എൻ.ഡി.എ സ്ഥാനാർത്ഥി അഞ്ജലി നായരുടെ വോട്ടിംഗ് യന്ത്രത്തിൽ പേര് മാറ്റില്ല. ബാലറ്റിൽ അഞ്ജലി നായർ എന്ന പേര് ഉൾപ്പെടുത്തണമെന്ന ആവശ്യം വരണാധികാരി തള്ളി. ഹൈക്കോടതി നിർദേശപ്രകാരം അഞ്ജലിയുടെ അപേക്ഷ വീണ്ടും പരിഗണിച്ച ശേഷമാണ് വരണാധികാരിയുടെ നടപടി. പത്രിക സമർപ്പിച്ച ഘട്ടത്തിൽ പേര് മാറ്റത്തിനായി പ്രത്യേക അപേക്ഷ നൽകിയില്ലെന്ന് ചൂണ്ടിക്കാട്ടി ആവശ്യം നിരസിക്കുകയായിരുന്നു. ഇതോടെ  
പ്രചരണത്തിൽ ഉപയോഗിച്ച അഞ്ജലി നായർ എന്ന പേരാവില്ല വോട്ടിംഗ് സമയത്ത് കാണാനാവുക. ഔദ്യോഗിക പേരായ അഞ്ജലി പി.വി. എന്നാകും വോട്ടിംഗ് യന്ത്രത്തിൽ കാണുക.