> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# ഉദയനാപുരത്തെ സമ്പൂർണ്ണ പുകയില വിരുദ്ധ പഞ്ചായത്താക്കും: പ്രസിഡന്റ് കെ.ജി. രാജു
- URL: https://www.vaikomvartha.com/udayanapuram-pukayilavirudha-panchayat/
- Published: 2026-05-31T11:54:14.000Z
- Updated: 2026-05-31T11:54:14.000Z
- Author:  Vaikom Vartha News Desk
- Tags: Latest News

വൈക്കം: നാടിനെയും വ്യാപാരികളെയും ബോധവൽക്കരിച്ച് ഉദയനാപുരം പഞ്ചായത്ത് സമ്പൂർണ്ണ പുകയില വിരുദ്ധ പഞ്ചായത്താക്കി മാറ്റുമെന്ന് പഞ്ചായത്ത് പ്രസിഡൻ്റ് കെ.ജി. രാജു. ലോക പുകയില വിരുദ്ധ ദിനത്തോടനുബന്ധിച്ച് നടത്തിയ പരിപാടിയിലായിരുന്നു ഈ തീരുമാനം അറിയിച്ചത്. ഉദയനാപുരം ഗ്രാമ പഞ്ചായത്തും വൈക്കം എക്സൈസ് സർക്കിൾ വിമുക്തി സ്പഷ്യൽ സ്ക്വാഡും സംയുക്തമായാണ് പുകയില വിരുദ്ധ പ്രതിജ്ഞയും ബോധവത്ക്കരണ സെമിനാറും നടത്തിയത്.പഞ്ചായത്ത് പ്രസിഡൻ്റ് കെ.ജി രാജു പ്രതിജ്ഞ വാചകം ചൊല്ലിക്കൊടുത്തു. വൈസ് പ്രസിഡൻ്റ് ബിന്ദു അനിൽകുമാർ, സ്റ്റാൻ ഡിംഗ് കമ്മിറ്റി അദ്ധ്യക്ഷന്മാരായ ദീപേഷ്, ജസീന ഷാജുദ്ദീൻ, എക്സൈസ് അസിസ്റ്റൻ്റ് ഇൻസ്പെക്ടർ എം.ജ. അനൂപ്, പ്രിവൻ്റീവ് ഓഫീസർ അശോക് ബി. നായർ പഞ്ചായത്ത് അംഗങ്ങളായ വി. ബിൻസ്, പിംആർ. ദേവലാൽ , അഭിജിത്ത് ചായപ്പള്ളി, പി.ഡി. ജോർജ്, സുമേഷ് കൊല്ലേരി, ടി.പി. രാജലക്ഷ്മി, സാബു മാളിയേക്കൽ സൗമ്യാ സനീഷ് തുടങ്ങിയവരും പങ്കെടുത്തു. പുകയിലയും പുകയില ഉല്പന്നങ്ങളും മൂലം ഉണ്ടാകുന്ന മാരകമായ ആരോഗ്യപ്രശ്നങ്ങളുടെയും സാമൂഹിക പ്രശ്നങ്ങളുടെയും ഗൗരവം ജനങ്ങളെയും വ്യാപാരികളെയും ബോധ്യപ്പെടുത്തി സമ്പൂർണ്ണ  
പുകയില വിരുദ്ധ പഞ്ചായത്തായി ഉദയനാപുരം മാററുന്നതിനുള്ള കർമ്മ പദ്ധതികൾ ആവിഷ്ക്കരിച്ചതായി പഞ്ചായത്ത് പ്രസിഡൻ്റ് കെ.ജി. രാജു പറഞ്ഞു.