> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# മത്സ്യതൊഴിലാളി കോൺഗ്രസ് ജില്ലാ കമ്മിറ്റി വാഹന പ്രചരണ ജാഥ നടത്തി
- URL: https://www.vaikomvartha.com/udf-jadha-vaikom-election/
- Published: 2026-04-02T13:19:44.000Z
- Updated: 2026-04-02T13:19:44.000Z
- Author:  Vaikom Vartha News Desk
- Tags: Latest News, Election 2026

വൈക്കം: വൈക്കം നിയോജകമണ്ഡലത്തിലെ യു.ഡി.എഫ് സ്ഥാനാർത്ഥി കെ. ബിനിമോന്റെ വിജയത്തിനായി മത്സ്യതൊഴിലാളി കോൺഗ്രസ് കോട്ടയം ജില്ലാ കമ്മിറ്റിയുടെ നേതൃത്വത്തിൽ തീരദേശ മേഖലകൾ കേന്ദ്രീകരിച്ച് വാഹനപ്രചരണ ജാഥ നടത്തി. കാട്ടിക്കുന്നിൽ മുൻ പ്രധാനമന്ത്റി രാജീവ് ഗാന്ധിയുടെ സ്മൃതി മണ്ഡപത്തിന്റെ മുന്നിൽ നിന്നും പുറപ്പെട്ട വാഹനജാഥ ബ്ലോക്ക് കോൺഗ്രസ് പ്രസിഡന്റ് പി.ഡി. ഉണ്ണി ഉദ്ഘാടനം ചെയ്തു. മത്സ്യതൊഴിലാളി കോൺഗ്രസ് സംസ്ഥാനകമ്മിറ്റി അംഗം ടി.വി. സുരേന്ദ്രൻ അദ്ധ്യക്ഷത വഹിച്ചു. യു.ഡി.എഫ് സ്ഥാനാർത്ഥി കെ. ബിനിമോൻ, ധീവരസഭ ജില്ലാ പ്രസിഡന്റ് ടി.കെ. വാസുദേവൻ, എറണാകുളം ജില്ലാ പ്രസിഡന്റ് എം.എൽ. സുരേഷ്, ഐ.എൻ.ടി.യു.സി ജനറൽ സെക്രട്ടറി പി.വി. പ്രസാദ്, മത്സ്യതൊഴിലാളി ബ്ലോക്ക് പ്രസിഡന്റ് പി.വി. ബാഹുലേയൻ, ധീവരസഭ ജില്ലാ പ്രസിഡന്റ് ശിവദാസ് നാരായണൻ, നഗരസഭ മുൻ ചെയർപേഴ്സൺ പ്രീതാ രാജേഷ്, ജില്ലാ സെക്രട്ടറിമാരായ കെ.ആർ. അശോകൻ, പരിമളം തമ്പി, ബീനാ തലയാഴം, സുകന്യ അനിൽ, സി.വി. ഷൺമുഖൻ എന്നിവർ പ്രസംഗിച്ചു. തീരദേശ മേഖലകളിലെ വിവിധ കേന്ദ്രങ്ങളിൽ വാഹനജാഥയ്ക്ക് സ്വീകരണം നൽകി.