> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# ഉദയനാപുരം പഞ്ചായത്തിലെ എല്ലാ സ്കൂളുകളിലും വിദ്യാവനം നിർമ്മിക്കും
- URL: https://www.vaikomvartha.com/udynaapurn-pnycaayttile-ellaa-skuullukllilun-vidyaavnn-ni-mmikkun/
- Published: 2026-05-26T05:10:41.000Z
- Updated: 2026-05-26T05:10:41.000Z
- Author:  Vaikom Vartha News Desk
- Tags: Latest News

വൈക്കം: ഉദയനാപുരം പഞ്ചായത്തിലെ എല്ലാ സ്കൂളുകളിലും വിദ്യാവനം നിർമ്മിക്കാൻ തീരുമാനിച്ചതായി പഞ്ചായത്ത് പ്രസിഡണ്ട് കെ.ജി രാജു പറഞ്ഞു. ഓളി സർക്കാർ യു.പി. സ്കൂളിലെ വിദ്യാവനം പദ്ധതി വിജയകരവും ശ്രദ്ധേയമായതോടെയാണ് പഞ്ചായത്തിന്റെ കീഴിലുള്ള എല്ലാ സ്കൂളിലും വിദ്യാവനം നിർമ്മിക്കാൻ തീരുമാനിച്ചത്. 2023-ൽ ഫോറസ്റ്റ് ഡിപ്പാർട്ട്മെൻ്റിൻ്റെ നേതൃത്വത്തിൽ പി.ടി.എ അധ്യാപകരും ചേർന്ന് സ്കൂൾ ഓളി സ്കൂൾ അങ്കണത്തിലെ 5 സെൻ്റ് സ്ഥലത്ത് ആണ് വിദ്യാ വനം ഒരുക്കിയത്. മുപ്പത് ഇനം വൃക്ഷ തൈകൾ നട്ടാണ് വനം രൂപപ്പെടുത്തിയത്. കരിനെച്ചി, കരിഞ്ഞാട്ട, രക്തചന്ദനം, ചന്ദനം, സീത വൃക്ഷം, സപ്പോർട്ട, നീർമരുത്, ഞാവൽ, മൾബറി റംബുട്ടാൻ, മാവ്, പ്ലാവ്, കറിവേപ്പ്, ആര്യവേപ്പ്, കുടംപുളി, നെല്ലി, കുമിൾ അത്തി, ഇത്തി, ആത്ത, മാതളം, മൈലാഞ്ചി തുടങ്ങിയ വൃക്ഷങ്ങളാണ് വിദ്യാവനത്തിൽ ഉള്ളത്. പ്രധാന അദ്ധ്യാപിക പി.എസ്. ഷീനാ മോൾക്കൊപ്പം പഞ്ചായത്ത് പ്രസിഡൻ്റ് കെ.ജി രാജു, പഞ്ചായത്ത് അംഗം ടി.പി. രാജലക്ഷ്മി എന്നിവർ വിദ്യാവനം സന്ദർശിച്ചു.