> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# വാക്കേത്തറ- കപിക്കാട് റോഡിൻ്റെ നിർമ്മാണോദ്ഘാടനം നടത്തി
- URL: https://www.vaikomvartha.com/vaakkeettrr-kpikkaatt-rrooddi-rre-ni-mmaannoodghaattnn-ntttti/
- Published: 2026-03-07T16:05:12.000Z
- Updated: 2026-03-07T16:05:12.000Z
- Author:  Vaikom Vartha News Desk
- Tags: Latest News

വൈക്കം: വൈക്കത്തെ കല്ലറ തലയാഴം പഞ്ചായത്തുകളെ ബന്ധിപ്പിച്ചുള്ള വാക്കേത്തറ- കപിക്കാട് റോഡിൻ്റെ നിർമാണോദ്ഘാടനം പൊതുമരാമത്ത് - ടൂറിസം വകുപ്പ് മന്ത്രി പി.എ. മുഹമ്മദ് റിയാസ് ഓൺലൈനായി നിർവഹിച്ചു. വാക്കേത്തറ- കപിക്കാട് റോഡിൻ്റെ നിർമാണപ്രവർത്തനങ്ങൾക്കായി  
കിഫ്ബിയിൽ നിന്ന് 25.02 കോടി രൂപയാണ് ചെലവഴിക്കുന്നത്. 5.775 കിലോമീറ്റർ നീളത്തിലും 5.80 മീറ്റർ വീതിയിലുമാണ് റോഡ് നിർമാണം.  
പശ്ചാത്തല - വികസന മേഖലയിൽ സംസ്ഥാനം വലിയൊരു കുതിപ്പിലാണെന്ന് മന്ത്രി പറഞ്ഞു. തയ്യിൽച്ചിറയിൽ നടന്ന ചടങ്ങിൽ സി.കെ. ആശ എം.എൽ.എ. അധ്യക്ഷത വഹിച്ചു. ഗ്രാമപഞ്ചായത്ത് പ്രസിഡൻ്റുമാരായ മിനി അഗസ്റ്റിൻ, ലിജി സലഞ്ചരാജ്, ജില്ലാ പഞ്ചായത്തംഗം ആനന്ദ് ബാബു, ബ്ലോക്ക് പഞ്ചായത്തംഗം ശ്യംകുമാർ, കല്ലറ ഗ്രാമപഞ്ചായത്ത് അംഗങ്ങളായ ടിൻ്റു ജോസഫ്, പ്രമീളാ ഷിബു, രാഷ്ട്രീയ പാർട്ടി പ്രതിനിധികളായ ഡോ. സി.എം. കുസുമൻ, എം.ഡി. ബാബുരാജ്, സംഘടക സമിതി കൺവീനർ എം.ജി. ഫിലേന്ദ്രൻ എന്നിവർ പങ്കെടുത്തു.