> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# വൈക്കം ബ്ലോക്ക് പഞ്ചായത്തിന്റെ ബജറ്റ് അവതരിപ്പിച്ചു
- URL: https://www.vaikomvartha.com/vaikkn-blookk-pnycaayttinrre-bjrrrr-avtrippiccu/
- Published: 2026-03-03T15:36:48.000Z
- Updated: 2026-03-03T15:36:48.000Z
- Author:  Vaikom Vartha News Desk
- Tags: Latest News

വൈക്കം: വൈക്കം ബ്ലോക്ക് പഞ്ചായത്തിന്റെ 2026 -27 സാമ്പത്തിക വർഷത്തേക്കുള്ള ബജറ്റ് അവതരിപ്പിച്ചു. ബ്ലോക്ക് പഞ്ചായത്ത് പ്രസിഡൻറ് കെ.കെ. ശശികുമാറിൻ്റെ അദ്ധ്യക്ഷതയിൽ ചേർന്ന പഞ്ചായത്ത് യോഗത്തിൽ വൈസ് പ്രസിഡൻറ് ഗീത സോമൻ ബജറ്റ് അവതരിപ്പിച്ചു. 

0:00 

/1:06 

1× 

100 ഏക്കർ ഉൾക്കൊള്ളുന്ന പ്രദേശത്തേക്ക് "പൊൻകതിർ" തരിശുനില കൃഷി, യുവജനങ്ങളുടെ കായിക ഉന്നമനത്തിനായി ആധുനികമായ നിലയിൽ ജില്ലാ പഞ്ചായത്ത് ഗ്രാമപഞ്ചായത്ത് സഹകരണത്തോടെ "നവയുവ്" എന്ന പേരിൽ 60 ലക്ഷം രൂപ ചിലവിൽ ആധുനിക സ്റ്റേഡിയം, ഒരു പഞ്ചായത്തിൽ ഒരു സ്മാർട്ട് അംഗൻവാടി പദ്ധതി, സമ്പൂർണ്ണ ആത്മഹത്യാ വിമുക്ത മേഖലയാക്കി വൈക്കം ബ്ലോക്കിനെ മാറ്റുന്നതിന് "മധുരം ബോധവത്കരണ ജീവിതം" കാർഷിക വൃത്തിയിലേയ്ക്ക് കുട്ടികളെ ആകർഷിക്കുന്നതിന് സ്കൂൾ വളപ്പിൽ പച്ചക്കറികൃഷി വ്യാപനം. വയോജനങ്ങൾ, ശിശുക്കൾ, ഭിന്നശേഷിക്കാർ, പരമ്പരാഗത മേഖലയിൽ തൊഴിൽ ചെയ്യുന്നവർ എന്നിവരുടെ ഉന്നമനത്തിനുള്ള വിവിധ പദ്ധതികൾ, "വർക്ക് നിയർ ഹോം" പദ്ധതി എന്നിവ ബഡ് ജറ്റ് ലക്ഷ്യമിടുന്നു. പട്ടികജാതി പട്ടികവർഗ്ഗ നഗറുകൾ, ഉന്നതികൾ എന്നിവയുടെ അടിസ്ഥാന സൗകര്യ  
വികസനവും ബഡ്ജറ്റ് നിർദ്ദേശിക്കുന്നുണ്ട്  
67,88,06,517/-രൂപ വരവും 64,82,11,800/- രൂപ ചിലവും 3,05,94,717/- രൂപ നീക്കിയിരിപ്പുമുള്ള ബജറ്റാണ് അവതരിപ്പിച്ചത്. മുന്നിരിപ്പ് - 2,70,06,717/- രൂപയും തൻവർഷ പ്രതീക്ഷിത വരവ് - 65,17,99,800/- രൂപയും ഉൾപ്പെടെയാണ് ആകെ വരവ് ബജറ്റിലുള്ളത്. ജില്ലാ പഞ്ചായത്ത് അംഗം ആനന്ദ് ബാബു വിവിധ സ്റ്റാൻറിംഗ് കമ്മിറ്റി ചെയർമാന്മാരായ പി.വി.ഹരിക്കുട്ടൻ, ടി.എൻ. സിബി, പി.എസ്. പുഷ്പമണി, വെച്ചൂർ ഗ്രാമപഞ്ചായത്ത് പ്രസിഡൻ്റ് ബിന്ദു അജി എന്നിവരും ബ്ലോക്ക് പഞ്ചായത്ത് അംഗങ്ങളും പങ്കെടുത്തു.