> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# വൈക്കത്ത് കെ.എസ്.ആർ.ടി.സി സൗജന്യ യാത്ര പ്രിയദർശിനി പദ്ധതി ഉദ്ഘാടനം ചെയ്തു
- URL: https://www.vaikomvartha.com/vaikktt-ke-es-aa-tti-sis-jny-yaatr-priyd-shini-pddhti-udghaattnn-ceytu/
- Published: 2026-06-15T06:54:14.000Z
- Updated: 2026-06-15T14:42:32.000Z
- Description: എസ്. സതീഷ്കുമാർ
- Author:  Vaikom Vartha News Desk

വൈക്കം: സംസ്ഥാന ചരിത്രത്തിൽ പുതുയുഗത്തിന് തുടക്കം കുറിച്ച് കെ.എസ്.ആർ.ടി.സി വനിതാ സൗജന്യ യാത്രയ്ക്ക് തുടക്കമായി. തിരുവനന്തപുരത്ത് മുഖ്യമന്ത്രി വി.ഡി സതീശൻ പുതിയ ചരിത്രത്തിന് തുടക്കം കുറിച്ചു. സംസ്ഥാനത്ത് വിവിധ കേന്ദ്രങ്ങളിൽ ജനപ്രതിനിധികൾ വനിതാ കെ.എസ്.ആർ.ടി.സി സൗജന്യ യാത്ര പദ്ധതിയായ പ്രിയദർശിനി ഉദ്ഘാടനം ചെയ്തു. വൈക്കത്ത് എട്ടുമണിയോടെ തന്നെ നൂറുകണക്കിന് ആളുകളാണ് കെ.എസ്.ആർ.ടി.സി ബസ് സ്റ്റാൻഡിൽ ഉദ്ഘാടന ചടങ്ങിനായി എത്തിയത്. 

ഔദ്യോഗിക ചടങ്ങിൽ എം.എൽ.എ കെ. ബിനിമോൻ യാത്ര ഫ്ലാഗ് ഓഫ് ചെയ്തപ്പോൾ സർക്കാരിന് അഭിവാദ്യങ്ങളുമായി മുദ്രാവാക്യങ്ങൾ മുഴങ്ങി. നഗരസഭാ അധ്യക്ഷൻ അബ്ദുസ്സലാം റാവുത്തറും മറ്റ് പഞ്ചായത്ത് ബ്ലോക്ക് ജില്ലാ പഞ്ചായത്ത് പ്രതിനിധികളും കെ.എസ്.ആർ.ടി.സി ഉദ്യോഗസ്ഥരും ചടങ്ങിൽ പങ്കെടുത്തു.  
ഇന്നുമുതൽ കെ.എസ്.ആർ.ടി.സി ഓർഡിനറി ബസ്സുകളിൽ ഏഴുതരം സർവീസുകളിലാണ് വനിതകൾക്ക് സൗജന്യ യാത്ര ലഭ്യമാകുന്നത്. ആദ്യ യാത്രക്കാർക്ക് ബസ്സിൽ ലഡു വിതരണം ചെയ്താണ് കെ.എസ്.ആർ.ടി.സിയും യു.ഡി.എഫ് പ്രവർത്തകരും ആഹ്ലാദം പങ്കിട്ടത്.വൈക്കത്ത് ഉദ്ഘാടനശേഷം എം.എൽ.എ കെ. ബിനിമോൻ യാത്രയ്ക്ക് ഡബിൾ ബെൽ അടിച്ചു. 

![](https://storage.ghost.io/c/73/35/73353a9a-5bd9-4965-8a9f-0f7ff3ad2d79/content/images/2026/06/1000566136-25.jpg)

കെ.എസ്.ആർ.ടി.സി ഡ്രൈവർ ഷാജിമോനാണ് ആദ്യ സ്ത്രീ സൗജന്യ യാത്ര ബസ്സിന്റെ സാരഥിയായത്. വൈക്കത്ത് നിന്ന് വൈറ്റിലയ്ക്കുള്ള സൗജന്യ യാത്ര ബസ്സിന് കെ.എൻ ഷാജി മോൻ ആദ്യ സീറോ ടിക്കറ്റ് നൽകി. ബസ് യാത്രയുടെ തുടക്കത്തിൽ നിരവധി വനിതകൾ കയ്യടിച്ച് പാട്ടുംപാടി നഗരയാത്ര നടത്തിയ ശേഷമായിരുന്നു വൈക്കത്തെ ആദ്യ സൗജന്യ യാത്ര ബസ് ഇന്ന് സർവീസ് തുടങ്ങിയത്. നഗരം ചുറ്റി സ്റ്റാൻഡിലെത്തിയ ശേഷമാണ് വൈക്കത്തെ ആദ്യ വനിത സൗജന്യ യാത്ര ബസിൻ്റെ ആദ്യ യാത്ര രാവിലെ വൈറ്റിലക്ക് പുറപ്പെട്ടത്. കെ.പി.സി.സി.മെമ്പര്‍ മോഹന്‍.ഡി.ബാബു, യു.ഡി.എഫ് നിയോജക മണ്ഡലം ചെയര്‍മാന്‍ പോള്‍സെന്‍ ജോസഫ്, ബ്ലോക്ക് കോണ്‍ഗ്രസ്സ് പ്രസിഡന്റുമാരായ പി.ഡി. ഉണ്ണി, എം.കെ. ഷിബു, നഗരസഭ ചെയര്‍മാന്‍ അബ്ദുള്‍ സലാം റാവുത്തര്‍, വൈസ് ചെയര്‍പേഴ്‌സണ്‍ സൗദാമിനി അഭിലാഷ്, യു.ഡി.എഫ് ഭാരവാഹികള്‍, വിവിധ പഞ്ചായത്ത് പ്രസിഡന്റുമാര്‍, ബ്ലോക്ക് പഞ്ചായത്ത് മെമ്പറുമാര്‍, വനിതാ കോണ്‍ഗ്രസ്സ് പ്രവര്‍ത്തകര്‍, തുടങ്ങിയവര്‍ പങ്കെടുത്തു. വൈക്കം കെ.എസ്.ആര്‍.ടി.സി ഡിപ്പോയില്‍നിന്നും ആലപ്പുഴ, പാലാ, തൊടുപ്പുഴ, എറണാകുളം, കോട്ടയം, മേഖലകള്‍ കേന്ദ്രീകരിച്ച് 34 ഓര്‍ഡിനറി സര്‍വീസുകളാണ് ഉള്ളത്.