> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# സെക്യൂരിറ്റി ഉദ്യോഗസ്ഥൻ ലിഫ്റ്റിൽ കുടുങ്ങി
- URL: https://www.vaikomvartha.com/vaikom-news-2-20-19/
- Published: 2026-09-14T05:42:30.000Z
- Updated: 2026-09-14T18:35:52.000Z
- Author: എസ്. സതീഷ്കുമാർ
- Tags: Main News

വൈക്കം: താലൂക്ക് ആശുപത്രിയിലെ ലിഫ്റ്റിൽ സെക്യൂരിറ്റി ഉദ്യോഗസ്ഥൻ കുടുങ്ങി. ഇന്ന് രാവിലെ ആറരയോടെയാണ് സംഭവം. താഴത്തെ നിലയിൽ നിന്ന് അഞ്ചാം നിലയിലേക്ക് സെക്യൂരിറ്റി ഉദ്യോഗസ്ഥനായ രാജീവ് പോയപ്പോഴാണ് ലിഫ്റ്റിന്റെ കതക് തുറക്കാൻ പറ്റാത്ത വന്നത്. 

അഞ്ചാം നിലയിൽ അരമണിക്കൂറിലധികം ആണ് ഈ ഉദ്യോഗസ്ഥൻ ലിഫ്റ്റിൽ പെട്ടത്. ഏറെനേരം ഡോക്ടർമാരെ അടക്കം വിളിച്ചിട്ട് പുലർച്ചെയായതിനാലാവണം ആരെയും ഫോണിൽ കിട്ടിയില്ല. 

![](https://storage.ghost.io/c/73/35/73353a9a-5bd9-4965-8a9f-0f7ff3ad2d79/content/images/2026/09/1000688804-14.jpg)

ഇതിനിടെ ഉദ്യോഗസ്ഥന് ശ്വാസംമുട്ടൽ അനുഭവപ്പെടുകയും ചെയ്തു. ലിവർ കൊണ്ട് ഡോറിൽ വിടവുണ്ടാക്കിയാണ് വായു സഞ്ചാരം ഉണ്ടാക്കിയത്. രോഗികളുടെ കൂട്ടിരിപ്പുകാരും മറ്റു സെക്യൂരിറ്റി ഉദ്യോഗസ്ഥരും എത്തി ഡോർ തുറക്കാൻ ശ്രമിച്ചെങ്കിലും തുറക്കാൻ കഴിഞ്ഞില്ല. ഇതോടെ അഞ്ചാം നിലയിൽ അരമണിക്കൂറിലധികം ആണ് ഈ ഉദ്യോഗസ്ഥൻ ലിഫ്റ്റിൽ കുടുങ്ങിക്കിടക്കേണ്ടി വന്നത്. പിന്നീട് ടെക്നീഷ്യൻ എത്തി ഡോർ തുറന്നാണ് പുറത്തിറക്കിയത്. ഉദ്യോഗസ്ഥന്റെ ആരോഗ്യനിലയിൽ പ്രശ്നങ്ങൾ ഒന്നുമില്ല.