> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# വൈക്കത്തഷ്ടമി: പുള്ളിസന്ധ്യവേല സമാപനത്തിലേക്ക്; നാളെ മുഖസന്ധ്യവേല കോപ്പ്തൂക്കൽ
- URL: https://www.vaikomvartha.com/vaikom-news-239/
- Published: 2026-10-23T05:24:31.000Z
- Updated: 2026-10-23T05:24:31.000Z
- Author: എസ്. സതീഷ്കുമാർ
- Tags: Main News, Breaking News

വൈക്കം: വൈക്കത്തഷ്ടമി ആചാരമായ പുള്ളിസന്ധ്യ വേല അവസാന ദിനത്തിലെ പ്രഭാത എഴുന്നള്ളിപ്പ് നടന്നു. ആചാര തനിമയോടെ അഷ്ടമി ഉത്സവമുന്നോടിയായി നടത്തുന്ന സന്ധ്യവേലകളിൽ ആദ്യത്തേതാണ് പുള്ളി സന്ധ്യവേല. ഇന്ന് രാത്രി നടക്കുന്ന എഴുന്നള്ളിപ്പോടെയാണ് പുള്ളിസന്ധ്യവേലക്ക് സമാപനമാകുന്നത്. നാളെ മുഖസന്ധ്യവേലക്ക് കോപ്പ് തൂക്കും. രാവിലെ 8 മണിക്കും 10 മണിക്കു ഇടയിലാണ് മുഖസന്ധ്യവേല കോപ്പ്തൂക്കൽ ചടങ്ങ് നടത്തുന്നത്. ഞായറാഴ്ച മുതൽ തുടർച്ചയായ നാല് ദിവസങ്ങളിലാണ് മുഖസന്ധ്യവേല നടക്കുന്നത്. 

രാജഭരണകാലത്ത് നടത്തിയിരുന്നതിൻ്റെ തുടർച്ചയായാണ്, തിരുവിതാം കൂർ ദേവസ്വം ബോർഡ് അഷ്ടമിക്ക് മുന്നോടിയായി ആചാരം വിടാതെ ഈ സന്ധ്യവേല ചടങ്ങുകൾ നടത്തുന്നത്. മൂന്ന് പ്രദക്ഷിണത്തോടെയാണ് സന്ധ്യവേല എഴുന്നള്ളിപ്പുകൾ രാവിലെയും വൈകുന്നേരവും നടത്തുന്നത്. ഒന്നിടവിട്ട ദിവസങ്ങളിലായി നാല് ദിവസം നടത്തുന്ന പുള്ളി സന്ധ്യവേലക്കാണ് ഇന്ന് രാത്രി നടക്കുന്ന എഴുന്നള്ളിപ്പോടെയാണ് സമാപനമാകുന്നത്.

![](https://storage.ghost.io/c/73/35/73353a9a-5bd9-4965-8a9f-0f7ff3ad2d79/content/images/2026/10/1000739471-62.jpg)