> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# ലോക ക്ഷീര ദിനം: ഉദയനാപുരം പഞ്ചായത്തിലെ ക്ഷീരകർഷകർക്ക് ആദരം
- URL: https://www.vaikomvartha.com/vaikom-udayanapuram-panchayat-ksheera-karshakar/
- Published: 2026-06-02T10:05:51.000Z
- Updated: 2026-06-02T10:05:51.000Z
- Author:  Vaikom Vartha News Desk
- Tags: Latest News

വൈക്കം: ലോക ക്ഷീര ദിനത്തോടനുബന്ധിച്ച് ഉദയനാപുരം പഞ്ചായത്തിലെ ക്ഷീരകർഷകർക്ക് പഞ്ചായത്തിന്റെ ആദരം. മികച്ച ക്ഷീര കർഷകരായ കെ.ആനന്ദൻ ചെട്ടിമംഗലം, ടി.ജി. പ്രകാശൻ ഇരുമ്പൂഴിക്കര, സുജാതാ രാജൻ നേരേ കടവ് എന്നീ കർഷകരെയാണ് പഞ്ചായത്ത് പ്രസിഡൻറ് കെ.ജി രാജുവിന്റെ നേതൃത്വത്തിൽ ആദരിച്ചത്. ക്ഷീര ദിനാചരണ സമ്മേളനം പഞ്ചായത്ത് പ്രസിഡൻ്റ് കെ.ജി രാജു ഉദ്ഘാടനം ചെയ്തു. വൈസ് പ്രസിഡൻ്റ് ബിന്ദു അനിൽകുമാർ അദ്ധ്യക്ഷത വഹിച്ചു. ഡയറി ഓഫീസർ അഷിതാ മായീൻ, വെറ്റനറി മെഡിക്കൽ ഓഫീസർ ധന്യാ രാജൻ, പഞ്ചായത്ത് അംഗങ്ങളായ കെ. ദീപേഷ്, അജിതാ മധുകുട്ടൻ, ടി.പി. രാജലക്ഷ്മി, മിനി മനയ്ക്കൽ പറമ്പിൽ, പി.ആർ ദേവലാൽ എന്നിവർ പ്രസംഗിച്ചു. മുപ്പത് വർഷത്തിലധികമായി പശു വളർത്തി ദൈന ദിനം ജീവിത ചെലവുകൾ നടത്തുകയും മക്കളുടെ ഉയർന്ന നിലയിൽ പഠിപ്പിക്കുകയും ചെയ്ത ക്ഷീര കർഷകരാണ് ക്ഷീരദിനത്തിൽ പഞ്ചായത്തിൻ്റെ ആദരം ഏറ്റുവാങ്ങിയത്