> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# പുസ്തകത്തൊപ്പികളണിഞ്ഞ് ഇരുനൂറ് കുട്ടികൾ: അക്കരപ്പാടം സ്കൂളിൽ വായനാ വാരാചരണത്തിന് വേറിട്ട തുടക്കം
- URL: https://www.vaikomvartha.com/vayanadinam/
- Published: 2026-06-19T08:45:04.000Z
- Updated: 2026-06-19T08:45:04.000Z
- Author:  Vaikom Vartha News Desk
- Tags: Latest News

വൈക്കം : ഇരൂനൂറു വിദ്യാർത്ഥികൾ ഇരുനൂറു പുസ്തകങ്ങളുടെയും എഴുത്തുകാരുടെയും പേരുകൾ എഴുതിയ തൊപ്പികൾ അണിഞ്ഞ അക്കരപ്പാടം സർക്കാർ യു.പി. സ്കൂളിലെ വായനാദിന കാഴ്ച വ്യത്യസ്തമായി. ഒരാഴ്ചത്തെ വായനാ വാരാചരണ ഭാഗമായിബഷീറിൻ്റെ പാത്തുമ്മയുടെ ആട് കുമാരനാശാൻ്റെ വീണപൂവ്, സുഗതകുമാരിയുടെ രാത്രി മഴ, ഒ.എൻ.വി കുറുപ്പിൻ്റെ ഭൂമിക്ക് ഒരു ചരമഗീതം, ജി .ശങ്കരക്കുറുപ്പിൻ്റെ ഓടക്കുഴൽ, കുഞ്ഞുണ്ണി മാഷിൻ്റെ കവിതകൾ, തുടങ്ങിയ പുസ്തകങ്ങൾ സ്‌കൂൾ ഓഡിറ്റോറിയത്തിൽ ഒരോ ദിവസവും കുട്ടികൾ വായിക്കും. സ്കൂളിൽ ഒരാഴ്ചക്കാലം നീണ്ടുനിൽക്കുന്ന വായനാ വാരാചരണം പഞ്ചായത്ത് പ്രസിഡൻ്റ് കെ.ജി രാജു ഉദ്ഘാടനം ചെയ്തു. പ്രശസ്ത സാഹിത്യകാരി അമ്പിളി ബി. തൃപ്പൂണിത്തറ വായനാ ദിന സന്ദേശം നൽകി. പഞ്ചായത്ത് വൈസ് പ്രസിഡൻ്റ് ബിന്ദു അനിൽകുമാർ, പ്രഥമ അദ്ധ്യാപകൻ ഇ.ആർ നടേശൻ, അനുഷ വി, സ്മിതാ മേനോൻ, ആർ.സി. ഷീലാകുമാർ തുടങ്ങിയവർ പങ്കെടുത്തു.