> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# വെച്ചൂർ അച്ചിനകം പള്ളിയിൽ ഊട്ടുനേർച്ച തിരുനാൾ
- URL: https://www.vaikomvartha.com/vechoor-achinakam-church/
- Published: 2026-06-09T08:48:03.000Z
- Updated: 2026-06-09T08:48:03.000Z
- Author:  Vaikom Vartha News Desk
- Tags: Latest News

വൈക്കം: വെച്ചൂർ അച്ചിനകം പള്ളിയിലെ ഊട്ടുനേർച്ച തിരുനാൾ വ്യാഴാഴ്ച തുടങ്ങും. അച്ചിനകം സെൻ്റ് ആൻ്റണീസ് തീർത്ഥാടന ദേവാലയത്തിലെ വി. അന്തോനീസിൻ്റെ 795 -മത് മരണ വാർഷികം അനുസ്മരിച്ചുള്ള ഊട്ടു നേർച്ച തിരുനാൾ ചടങ്ങുകളാണ് ജൂൺ 11 മുതൽ 13 വരെ നടക്കുന്നത്. വ്യാഴാഴ്ച വൈകിട്ട്   
4.45 ന് പ്രസുദേന്തി വാഴ്ച നടക്കും, തിരുനാൾ കൊടിയേറ്റിന് ശേഷം ആഘോഷമായ ദിവ്യബലിക്ക് ഫാദർ ആൻ്റണി കോലഞ്ചേരി കാർമികത്വം വഹിക്കും. മരണ വാർഷികം അനുസ്മരിച്ചു നടത്തുന്ന ദീപക്കാഴ്ചയിൽ ഭക്തജനങ്ങൾ 795 ദീപങ്ങൾ തെളിക്കും. തിരുശേഷിപ്പ് വണക്കദിനമായ 12ന് വൈകിട്ട് 5ന് ജപമാലയെ തുടർന്നുള്ള ദിവ്യബലി, നൊവേന, ആരാധന എന്നിവയ്ക്ക് ഫാ. പീറ്റർ കണ്ണമ്പുഴ കാർമികനാകും. തുടർന്ന് തിരുശേഷിപ്പ് പ്രദക്ഷിണം നടക്കും.  
തിരുനാൾ ദിനമായ 13 ന് രാവിലെ 6ന് ദിവ്യബലിയെ തുടർന്ന് നേർച്ച പായസം വെഞ്ചരിക്കും. 10ന് ജപമാല, 10.30ന് നേർച്ചസദ്യ വെഞ്ചരിപ്പ് നടത്തും. തിരുനാൾ പാട്ടുകുർബാനയ്ക്ക് ഫാദർ ജോഷി കളപ്പറമ്പത്ത് മുഖ്യകാർമികനാകും. ഫാദർ ഫെർണാൻ്റോ ജോസ് കപ്പൂച്ചിൻ വചനസന്ദേശം നൽകും. തുടർന്ന് നേർച്ച സദ്യ. വൈകിട്ട് 5.30 ന് ദിവ്യബലിയെ തുടർന്ന് തിരുസ്വരൂപം എടുത്തുവയ്ക്കൽ, കൊടിയിറക്ക് എന്നി ചടങ്ങുകൾ നടക്കും. തിരുനാളിനും നേർച്ച സദ്യയ്ക്കുമുള്ള ഒരുക്കങ്ങൾ പൂർത്തിയായതായി വികാരി ഫാ. ആൻ്റണി മംഗലത്ത്, കൈക്കാരന്മാരായ സോജി ജോർജ് പുത്തൻപുര, ലാലിച്ചൻ പുത്തൻ പറമ്പ്, വൈസ് ചെയർമാൻ റോബിൻ മങ്ങാരത്തുചിറ എന്നിവർ അറിയിച്ചു.