> ## Content Index
> Fetch the complete content index at: https://www.vaikomvartha.com/llms.txt
> Use this file to discover other available public pages before exploring further.

# റോഡിലെ കുഴികളടച്ച് ഐ.എൻ.ടി.യു.സി വെള്ളൂർ മണ്ഡലം കമ്മറ്റി
- URL: https://www.vaikomvartha.com/vellore-news-2-4/
- Published: 2026-07-27T13:50:46.000Z
- Updated: 2026-07-27T13:50:46.000Z
- Author:  Vaikom Vartha News Desk
- Tags: Latest News

വെള്ളൂർ: തകർന്നു കിടക്കുന്ന കലയത്തും കുന്ന് - ഇറുമ്പയം -പൂവത്തും ചുവട് റോഡിന്റെ ശോചനീയാവസ്ഥ പരിഹരിക്കുന്നതിന് വേണ്ടി ഐ.എൻ.ടി.യു.സി വെള്ളൂർ മണ്ഡലം കമ്മിറ്റിയുടെ നേതൃത്വത്തിൽ കുഴികളടച്ചു സഞ്ചാരയോഗ്യമാക്കി. കെ. ബിനിമോൻ എം.എൽ.എ നിർമ്മാണ പ്രവർത്തനം ഉദ്ഘാടനം ചെയ്തു. ഐ.എൻ.ടി.യു.സി വെള്ളൂർ മണ്ഡലം കമ്മിറ്റി പ്രസിഡണ്ട് സി.ജി. ബിനു അദ്ധ്യക്ഷത വഹിച്ചു .  
റോഡിന്റെ ടെൻഡർ നടപടികൾ പൂർത്തിയായെങ്കിലും സാങ്കേതിക കാരണങ്ങളാൽ നിർമ്മാണം പാതിവഴിയിൽ നിലച്ചിരുന്നു. മഴക്കാലമായതോടെ തകർന്ന റോഡിൽ കുഴികളിൽ വെള്ളം നിറഞ്ഞു യാത്ര ദുരിത പൂർണമായി. ഈ സാഹചര്യത്തിലാണ് ഐ.എൻ.ടി.യു.സി വെള്ളൂർ മണ്ഡലം കമ്മിറ്റിയുടെ നേതൃത്വത്തിൽ ജി.എസ്.ബി മിശ്രിതവും മട മക്കും ഉപയോഗിച്ച് റോഡ് സഞ്ചാരയോഗ്യമാക്കിയത്. 

![](https://storage.ghost.io/c/73/35/73353a9a-5bd9-4965-8a9f-0f7ff3ad2d79/content/images/2026/07/1000616255-74.jpg)

  
തലയോലപ്പറമ്പ് ബ്ലോക്ക് കോൺഗ്രസ് കമ്മിറ്റി പ്രസിഡണ്ട് എം.കെ. ഷിബു, ഡി.സി.സി ജനറൽ സെക്രട്ടറി പി.വി. പ്രസാദ്, എം.ആർ. ഷാജി, കടുത്തുരുത്തി ബ്ലോക്ക് പഞ്ചായത്ത് വൈസ് പ്രസിഡണ്ട് കുര്യാക്കോസ് തോട്ടത്തിൽ, പി.വി. സുരേന്ദ്രൻ, ജയേഷ് മാമ്പള്ളി, പഞ്ചായത്ത് അംഗങ്ങളായ എം.വി. റോയ്, ജോഷ്മി ജോൺ, സജി സദാനന്ദൻ, ഇ.വി. ജോർജജ്, പി.എസ്. ബാബു, കെ.കെ.എസ്. ചന്ദ്ര ബോസ്, ടി.കെ. സജിമോൻ, പി.കെ. രാജൻ, എം.ഡി. മൈക്കിൾ, സണ്ണി ഇറുമ്പയം തുടങ്ങിയവർ നേതൃത്വം നൽകി.